上個禮拜同細佬睇咗「德州電鋸大屠殺」(無法啦,無人敢睇),總括嚟講都唔係太核突(緊係啦,核突嗰D都比電檢處cut曬),如果你有睇過D類似「死比你睇」嗰D片,呢套戲對你應該係小兒科。不過如果你唸返呢件係真人真事,你係其中一位入咗嗰條村,你唔知道佢會响邊度出嚟同用乜嘢工具「迎接」你,你就感到嗰份恐怖同驚恐。

其實有邊個一出世就係殺人狂魔呀!佢就係因為一出世個樣比一般人唔同,細個嘅時候比人恥笑同排擠,結果就對所有人不滿,加上佢自己嘅牲格同家人都從此對所有人不滿,結果大家就「培育」咗個殺人狂魔出嚟!!

歧視嘅後果真係可大可小,無論大定小,都一定對佢留下重重嘅陰影。有邊個願意一出世自己就係傷殘,有邊個願意一出世自己就係弱智,有邊個願意一出世自己就係孤兒.....