明明好攰好攰，
但個腦仲亂轉亂轉。
好精神，不過又乜都諗唔到。
瞓唔著，又唔知做乜好。

亂咁寫，用廣東話，最好。
唔要insight，唔理文法，
冇鋪排、冇起承轉合、冇蝦仔爹哋…
話知你，總知諗乜打乜。
率性而為，一日咁多。

不停咳，今日，又嘔。
唔係第一次，慣晒，唔駛擔心。
唔死得，過幾日，就好。

連續3日，26、27、28，
身邊3個美女生日。
無獨有偶，都是L人：
補祝生日快樂，盧小姐。
祝你生日快樂，林小姐。
預祝生日快樂，李太太。

星期六會返學校睇drama。
好開心，可以見到兩個契媽。
好耐冇返去行過，開工之後都未試過。

知唔知點解呢道叫練字習作簿？
因為我有日偷聽到，有人話我要練好啲字喎。
我咁乖，即刻收到，馬上照做。
有冇成效，未知之數，
不過至少倉頡打得快咗，少少。

老媽見我仲未瞓，又哦…
話疲勞過度好易癡線。
咦，乜佢唔知，佢個女晨早已經癡咗線？