呢兩日都好唔開心﹐因為入唔到自己想入既POOL﹐真係唔明﹐我真係好想入到﹐之後我就唔洗兩邊周圍走啦。。。

呀。。今日突然諗返起兩年前﹐我地係夜市識既時候既片段﹐好搞笑呀。。
其實識到你﹐真係一段緣份﹐記得個年無啦啦抽筋﹐就走去同家姐顛﹐走去開夜市﹐明知無錢賺﹐但係玩0下都好啊﹐第一日見到你﹐以為你好潮又好有錢﹐因為你唔知點解後生仔﹐走去流鬚﹐又唔係型個人呀﹐我又見你成身名牌﹐點知都要開檔﹐真係好好笑﹐我記得自己第一句同你講既係﹐咿!哥哥仔﹐你有麻將買﹐如果我地無生意係唔系可以拿出黎打啊!我都唔係好記得你答我咩啦。。哈哈。。五月開始擺﹐就差唔多落雨落到成六月﹐我地四個家姐﹐世佬﹐我同你就成日圍埋玩啤牌﹐玩玩下就變左一齊出去打麻將﹐我記得個時﹐你晚晚都差唔多時間先出去開車﹐我就要等等等﹐入都去仲要比家姐鬧話點解甘遲﹐咪係因為要等你啦。。。我地開始出街﹐傾通宵﹐但系到六月尾你都無咩表示﹐我本來以為自己多心架﹐當時國泰想請我﹐我都考慮過如果你六月三十號前同我表白﹐我就會留係到唔走﹐點知等下等﹐等等到七月一號﹐我就同自己講﹐算啦﹐今次又係自己多心啦﹐人地點會睇得上你呀﹐拒都係當我係拒妹妹或者好朋友者。。。最後我仲同多多講我放棄啦﹐我要返香港啦﹐直到七月三號﹐我如常等你去拿車﹐因為我知個段行出去既時間﹐雖然唔長﹐但係係我唯一等夠同你單獨雙處既時候﹐行到一半﹐你話有野想問我﹐我以為你想笑我穿拖鞋﹐我仲同你講我係唔會答你0架﹐點知係個刻你問我﹐可唔可以做你第一個女朋友﹐我仲答你唔好玩啦﹐唔係就連朋友都無得做架﹐點知你同我講話你係認真﹐仲拖住我只手﹐一邊望住個天﹐一邊行出去﹐我仲記得你話你個日心情好﹐所以個個人叫你繞路就繞路啦﹐其實講真我可尚唔係一樣甘開心﹐因為我終於都等到啦。。。不知不覺﹐一起差不多兩年啦﹐中間有開心有唔開心﹐有人反對有人支持﹐但係就無分開過。。。真係touch wood 呀。。。係呢兩年裡面﹐大家都有難過既時間﹐可以能夠一齊挨過﹐一齊分擔﹐以經係唔錯啦。。係到好想好想多謝你﹐兩年裡既照顧﹐應該唔係兩年﹐應該係話呢一生一世﹐最係好想話你知﹐你身邊一直都會有我同我愛你。。。