今日好凍呢！好彩我事前已經準備充足。今朝一早已經同三千代著晒羊毛底衫，帶左頸巾啦手襪啦仲有帽仔呀！佢就真係成個人都暖粒粒啦。

至於小艷，佢而加做緊公司份ｒｅｐｏｒｔ，仲著埋我幾年前買比佢果件大口仔睡袍，我果件係仲未嫁果時爸爸買比我果件叮噹，本來我叫爸爸買我最中意果個ｈｅｌｌｏ　ｋｉｔｔｙ，但原來佢係吾識得分叮噹同埋ｈｅｌｌｏ　ｋｉｔｔｙ呢！

三千代已經ｓｌｅｅｐ啦，今晚都要早ｄ瞓，都吾知點解呢幾晚都瞓吾到，就算瞓左都成日會醒，真係賤格。

我發覺左一件事，其實五千代ｄ屎就吾係好臭，但ｄ味就真係好似雞蛋味，本來今朝想食個腸仔蛋，但．．．，總之後來都叫左公仔面食啦。

仲有我要記低一件事，就係五千代第一次踏到屎的經過，由於佢條片有屎，而佢隻腳就不停郁，最後佢踏左屎，係佢自己新鮮屙果Ｄ屎。好嘔心！