今日去左銅鑼灣，最後買左件睡袍比佢，好正，我簡左粉紅色，好女仔呢。跟住見到條藍色既頸巾比三千代同埋配左頂藍色既帽。但下個星期轉冷，最後最後我同小艷走番轉頭買左件黑色既羽絨比三千代，個款勁有型，係長身款式。今個冬天佢真太暖。

估吾到三千代禁中意小寶，不過佢就似乎粗魯左小小呢。可能我一向對三千代都太惡，要諗諗方法改善下至得。大ＢＢ同細ＢＢ比較，真係覺得三千代大個左好多，我有一個遺憾，禁多年仍然放吾低，失去左三千代既頭三年成長過程，我真係好遺憾，吾能夠番轉頭。所以而加我每一件事都希望可以同佢一齊經歷。

可能就因為自己讀吾到書，下意識希望三千代可以係我既延續，我對佢有期望，所以對佢要求都係好高好高。可能咁樣會影響到佢對我有一種反抗，佢Ｏ係我面前吾會做到最後，我估佢係因為怕做得吾好會比我話，今日我同佢考學校，佢自己真係應付得好好，答既問題都幾吾簡單，但佢都答得出，可能係我低做估左佢，可能佢Ｏ係我面前太緊張，當我吾Ｏ係佢身邊既時候，佢先會發揮到佢自己。係時候自己反省下，係吾係應該先放鬆自己既緊張心情，重新等三千代選擇佢自己喜歡既事。我好愛三千代，真係好愛。我或者要比佢一Ｄ自由發展既空間，係時候要改下自己。