點解我會無端端見報﹖雖然見親報多數冇好野，但係今次就係例外。

話說我在SOC101識到個叫菇池既好同學，佢介紹左份工畀我做，係幫LOREAL做promoter嘞。份工主要在城巴的開蓬巴士免費派染髮劑，分四個禮拜六在不同地點派，而第一個禮拜仲有我鍾意既滕麗明做嘉賓添。滕滕未到，已經聚集左一班fans啦，佢來到時場面真係墟”坎”。老細委派我同麵包超人企o係滕滕隔離遞野同接野。滕滕一站在我們的身邊，鎂光燈已經不停閃呀閃，雖然我同超人都好驚，但係又走唔開，只好擰歪面，點知……

咁都影到我地喎！本來我同麵包超人以為冇事，因為之後我有睇過東方。點知武則天某天打開蘋果日報發現一個酷似阿然既物體在一幀相片既角落出現！後來我話畀超人知，佢上網睇，張相真係又大又清楚，仲好「靚」添，唉！最搞笑既就係：那天滕滕去o左做訪問，我奉老細既懿旨，幫滕滕派住先，點知有個婆婆竟然同我講：「我好鍾意睇妳d戲架，妳真人仲靚過上鏡！」當時我都唔知點反應，淨係識得笑，點知返到學校，TEDDY BEAR竟然話張相影到我同滕滕都幾似。真係唔知好嬲定好笑呢﹖^^”


(written by 阿然 on March 23, 2002)