前日參加左一個婚禮（天主教儀式），神父在彌撒當中，用一張一百蚊紙做了個比喻，我聽完，好想同大家分享下——

神父手持一張直版的一百蚊紙舉起問大家：「邊個想要??? 」
~冇人出聲

神父：「唔洗怕羞喎，真架喎，邊個想要就舉手啦 ~ 」
全場大約三分一人舉手。

神父將呢張一百蚊紙渣埋一舊，再打開問：「而家有冇人想要? 」
仍然有人舉手，但少了差不多一倍。


神父再將呢一百蚊紙放係地下，踩了幾下，拾起來打開，問大家：「咁
仲有冇人要呢﹖」

全場只有三、四人舉手。神父請了一位男士上台，把一百元給了這位男士，說這位男士是三次也有舉手的。

當全場大笑時，神父示意大家安靜向新郎哥說：「你今天迎娶呢位心愛的女士，就如一張直版的一百蚊紙。歲月加上辛勞，就如殘破的一百蚊紙一樣，令到對起初寵愛的人，變了心。事實上，呢張一百蚊仍然係一百蚊，它的價值是完全沒有改變的。希望你可以好似呢位男士一樣，懂得真正的價值和意義，唔好比外表帶領你行人生路呀！」

p.s.很多人都知道這個道理，但又有幾多人真正做到呢﹖