2005-05-04 22:38:01天使黃
老麥早餐
今朝(5/4)早左起身, 所以有好充足既時間俾我享受個早餐先返工... 我選擇了"老麥"... 早晨全餐加杯香滑奶茶... 想起都覺得好味道... 但食落... 個早晨全餐就真係吾錯啦... 又或者係因為我好耐好耐無食過啦... 但杯所謂既香滑奶茶就差左少少... 始終都係外面既茶餐廳果d 正好多... 係"老麥"見到有兩個女仔坐係度邊食早餐邊溫書... 真係令我懷念我地以前讀書既時代... 好開心, 好勤力咁既樣... 有講有笑... 真好!! 不驚不覺都畢左業九年啦... 感覺真係好老囉... 哈~~ (相信各位姊妹們實話我衰, 因為我係哩度透露左大家既年齡... 呵~~~)