細個既時候我一對住英文就頭昏腦脹,功課都係一味靠抄, 唔識就算...
有一次爸爸攞到3張入場券, 入場券主題係咩我經己唔記得嚕, 只係知道入面有好多外藉人士同飛機。可能係展覽啩...
好難得先可以入去玩, 但係我之前約好哂朋友去玩喇喎, 我完全無考慮到, 爸爸會因為咁樣而對我大失所望。
我同平時一樣, 都係係假期約埋朋友去公園玩爬縄網、玩千秋, 食雪條, 又或者去”美麗湖”同朋友一齊捉下魚仔, 落去浸下水咁又一日。由於係我同朋友之間有約在先, 所以無論爸爸點勸我都好, 我都無動搖。
爸爸話好難得先有入場券, 好難得先有一次機會, 好難得先抽到時間帶我同姐姐去..嗰度有好多外藉人士可以學英文喎, 一齊去影相喇..., 但係我話D英文預左唔識喇, 就係因為哩句, 爸爸就帶住姐姐走左嚕。
我坐係張床度諗好多野, 但係我諗既唔係要為哩件事而懺悔, 而係我終於舒一口氣, 佢地走左喇。 從來人地逼我做嘢, 我唔會反省自己有無做錯, 我只係會堅持自己既一套理念。
如果有多一次機會畀我揀既話, 我諗我都係會做番同一樣既嘢。
之後我既英文逐漸趕上, 但無特別認真想讀好, 只係課堂上靠唔瞓先稍為好少少....
小六畢業既時候, 班主任陳梓樺老師送左每人一張相比我地, 而相背後有佢對我地要講既嘢。
對我有感而發既係”言語能傷人心, 嘗試做個慷慨的人, 因為施比受更為有福。仲夏02陳梓樺”我參透哩句說話既時候已經係我升上中三。
*由於時間關係, 講住咁多先....