祈禱的時，此時極好，我心脫離俗情煩惱，又可就近天父面前，將心所愛祈禱無停，我曾遇著災禍艱難，祈禱的時能得平安，又我專心祈禱的時，能使魔鬼與我相離。(台語聖詩267第一節)
上帝乎咱基督徒，屬於上帝的子兒，最大的禮物也是權柄的就是祈禱。曾佇鳳山火車站遇著耶和華見證人會的人，伊不承認祈禱是上帝乎耶穌的權柄，也不承認咱人有祈禱的權柄。總是，聖經明明的記載「凡若兩三個人同心合意的聚集，上帝就要聽伊的祈禱」又講「義人的祈禱是大有功效的」，聖經也明明的記載，耶穌在傳道的過程中，時常祈禱，也用祈禱施行神蹟。主是聽咱祈禱的主，主講「應當一無罣慮來到祂的面前」，主也講「天頂地下所有的權柄攏已經交給我了」，主講『只要恁有信心親像芥菜種子，就能夠乎山遷移，將海移動』。詩篇的作者也講『至於我，也要求告耶和華----』，是的，因此祈禱是咱人跟主親近的方法，當咱像主祈禱的時，咱就可感受主的同在，主也住彼聽咱的祈禱，咱的主是溫柔的主，祂會輕聲跟咱講祂的心意，祂用愛包圍咱。
我真愛享受祈禱的時，因為當我來到主的面前，我就攏無驚惶，我知祂的確跟我同在，有時，祈禱到一個地步，親像四圍攏包起來，只有主跟我同在，有時祈禱到不想要離開，因為感覺實在甜蜜。曾有一個牧師講，他沒祈禱超過15分鐘，總是他也沒超過15分鐘沒祈禱。這種的感覺實在甜蜜，因為主跟咱佇的，主的權能引導咱，保守咱，主會乎咱智慧，聖經也講，『聖神會用說不出的嘆息為咱祈禱』，所以，聖神是已經住在咱的裡面。方言的祈禱，是能夠追求的，有時我用方言祈禱，雖然不明白方言的意思，總是知主聽有，愈操練愈感覺靈裡力量的充滿，咱的靈魂要有氣力就要常常祈禱，保羅也講「常常喜樂，不住禱告」，是啊!只要咱將咱的心完全獻給主，時常祈禱，主就會聽見咱的聲，主就會知咱的需要，咱也會學習等候主，咱也會經歷主的同在。
我真愛祈禱的時，因為我知主的確跟我同在，我知主會用祂的話來安慰我，主知我的軟弱，總是我猶原不夠愛主，我不真實將家己獻給主，我知我的心內有多多的傷害及問題，需要主的醫治及釋放，願主幫助我能夠真實面對祂，乎祂的能力能夠入我的心，我時常祈禱，總是我沒感覺能力入來，我知這是因為我時常在嘴舌頂面犯罪，得罪主，所以主的恩典雖然賜給我，但是也因為這個破口離開我。
願主的聖神幫助我，乎我成做一個嘴舌清潔的人。願主用祂的火炭燒我，乎我能夠得到主的幫助，乎我成做一個有真實生命的人，哈利路亞，願主的旨意成就。奉主耶穌基督的聖名求，阿們!