2010-11-13 13:16:27
蠻牛太太-蔡湘宜
紅絲線（台語詩詞．通俗版）
(圖片來源：網路搜尋）
一條紅絲線 牽著你甲我
你講山崩地裂永遠咱嘛袂拆散
輕輕一句話 溫暖著阮愛你的心情
鹹酸苦澀阮嘸驚 堅心陪你鬥陣行
一條紅絲線 纏著你甲我
你講世間無永遠人總是會變化
重重一句話 刺痛著阮愛你的心肝
風吹草動阮驚惶 心疼痛你甘知影
尚驚聽到深夜的電話聲 一聲一聲打碎阮的心肝
尚驚看到你冷落的背影 一聲一聲夢中叫著伊的名
山盟海誓到這嘛無算啥 甘講阮還看袂破
這條紅絲線 縛著你甲我
感情若變卦用目屎糊嘛無卡紙
愛是值多少 敢倘為你的絕情賭生命
剪斷這條紅絲線 阮的人生自己行
上一篇：紅絲線（台語詩詞．雅致版）
下一篇：燕去也～懷贈格友＜燕＞