今日好好好開心。

今日我地去左科大同理大影畢業相，好多人呀…有廿幾個人，都唔知點數好，因為有D影完科大就走，有D影完POLY就走，總之我地食晚餐時有廿一個人啦﹗…好累啊﹗不停的影…冇法啦﹗咁多部相機...入到UST已經我諗點幾兩點...影到三點幾四點我地就要去POLY了，POLY影到六點幾，我地就去食飯…最初諗唔到點食..所以最後去左K BUFFET，每位一百..都好啦﹗不過我覺得佢好似收貴左，不過大家都好開心，無所謂啦﹗仲有香檳同蛋糕呢﹗因為阿思生日有得送。我地同白達同阿思CELEBRATE，送埋禮物，公德完滿﹗YEAH﹗九點幾十點就走了…(可以唱通頂呀﹗)，因為個個都要番工番學…。

真係好開心呢﹗開心既時間過得特別快的。轉眼…大家畢業了..原來咁就過左三四年，加埋中六七兩年，大家一起的時光已經五六年了。有D仲耐…由中一二開始，識左十至十一年了…有D仲耐…原來識左十六七年了…多到我就來忘記了…不過時間忘記唔緊要，唔會忘記個份友誼就得了…

好掛住其他冇來的人...希望有機會同佢地再影...希望佢地個個都開開心心，順順利利﹗