以客為尊

「呢段係機長為大家做既報告，歡迎各位旅客乘搭中華航空公司922號客機…你地位於中國南海上方3萬5千尺o既高空，萬里無雲…如果大家向你右邊既窗睇出去既話，您會發現右邊機翼既兩個引擎已經著左火，再向您左邊既窗睇出去既話，您會發現左邊機翼既一半已經完全脫離機身，如果您好奇再向上望既話，您會發現上帝同小天使正向您地揮手，而您由窗向下望，您將會發現海上面有一艘黃色既救生艇，艇上有四個人正揮著手，一位係我，一位係機長，一位係副架駛，一位係空中小姐…呢段係錄音撥放，再次歡迎您乘搭中華航空公司既客機，華航以客為尊…謝謝！」

愛護動物家庭

兩個細佬傾偈：
A說：我地全家都好鍾意動物，媽咪鍾意貓，阿哥鍾意狗，家姐鍾意小白兔。
B說：咁你阿爸呢？
A說：佢鍾意狐狸精。

洗碗

老公：唔好叫我洗碗得唔得啊？
老婆：小小事就試到你，Ｄ碗一早洗左啦！
老公：我係講笑咋，其實我好樂意做家務架！
老婆：我都係講笑咋！Ｄ碗其實未洗。

唔得

嘉儀上班不久，就接到信，要求立刻離職。
嘉儀怒氣沖沖的質問經理。
嘉儀︰「經理，我有乜野唔得，你要炒我魷魚呀 ﹖」
經理︰「唔得，你又唔算多，計落係得兩樣囉 ﹗」
嘉儀：「咁係咩唔得？」
經理︰「咪就係呢樣又唔得，果樣又唔得，兩種囉 ﹗」

挨打

警署裏，警察問被人打既阿蟲說︰「你記唔記得打你果個人個樣呀 ﹖」
阿蟲非常肯定說︰「當然記得啦 ﹗我就係因為形容佢個樣，先至搞到挨打咋嘛 ﹗」
警察︰「 ﹗﹖# % @ *」

陪審員

小明收到信要做陪審員。
佢了解過這件案，發覺案情複雜，恐怕會拖一段長時間，於是他向法官請求豁免。
小明︰「法官大人，我係公司既經理，而公司有好多濕碎野要我跟，我諗我唔可以行開咁耐 ﹗」
法官︰「你既意思，係咪話公司冇左你唔得咁話呀 ？」
小明︰「唔係呀 ﹗法官大人，我就係知道間公司冇左我，都可以正常運作，我擔心畀佢地發覺呢個事實，我就冇得撈呀 ﹗」

行李費

家明準備搭的士去機場。
佢於是就問的士司機︰「去機場要幾多錢嫁 ﹖」
的士司機︰「大約三百蚊啦 ﹗」
家明︰「咁樣呀……行李要收幾多錢呀 ﹖」
的士司機︰「見你咁靚仔，行李免費又點話丫﹖」
家明︰「太好喇 ﹗所有行李都係哂度，麻煩你送去機場，我響機場入口等你 ﹗」

坐地鐵

妮妮︰「點解你追求我果陣，日日坐的士，依家日日要坐地鐵 ﹖」
小新︰「我覺得你好囉 ﹗」
妮妮︰「唔明 ﹗」
小新︰「初時唔知你咁好，淨係坐的士，得個的士司機望到你，依家識得你耐左，知你咁好，梗係要帶你坐地鐵，等多 d 人望到你囉 ﹗我都好自豪嫁﹗唔通你唔自豪咩 ﹖」

好朋友

今日小麗打扮得非常漂亮，化哂妝仲著埋條緊身裙，諗住俾男友一個驚喜。
上巴士時，噢 ﹗佢雙手實在太多野，條裙又太緊，佢根本上唔到巴士 ﹗
後面既人又係咁催佢，佢冇辦法之下，唯有拉開條裙後面既拉鍊，希望鬆少少可以上到。
說也奇怪，條裙完全冇鬆到，佢依然上唔到 ﹗冇辦法之下，佢唯有嘗試再拉多次，結果都係唔得 ﹗
後面既人繼續鼓譟，正當佢唔知點做之際，企響佢後面既小明，二話不說就抱佢上巴士 ﹗
小麗面都紅哂，大大聲咁鬧︰「喂 ﹖你做咩呀 ﹖我都唔識你，你做咩抱我上車呀 ﹖」
「嗯，小姐。」小明說︰「當妳響大庭廣眾前，拉開我條褲鍊兩次之後，我就覺得我地係好朋友喇 ﹗」
小麗︰「 ﹗﹖# % @ *」