一出火車站見到貓生難得一見的奇觀，幾百人底頭排排坐係休息庭個地下，一隻一隻肉粽凍到縮埋一舊，好似化石禁，唔郁又唔出聲，貓唸地下有一千蚊可能都冇人會發覺。

終於上到觀景台，太陽啊伯都未出來貓地已經變左貓冰條，你地見過膝頭哥凍到跳舞未？貓將自己包到好似中東D女人禁，得番對貓眼。得零度啊！

一直等，等呀等，又等左兩粒鐘，重要千方百計係人肉圍牆裡面搵個好位，可惜貓太矮，個位點靚都冇用，

望穿秋水，個黑黑的天有少少變紅啦，可惜好多厚雲。D人開始用飲奶的力將自己部相機舉高過前面個人頭，不停影。

罰企左兩粒鐘，天都光啦，又話太陽啊伯 7:04分出來，影都冇，因為果日比厚雲爭贏左做左主角囉，冇耐性的貓媽媽都唔話得啦，肯企定定等禁耐，但係終於開口話要走囉，因為可能再等落去太陽啊伯都只係肯係雲後面。貓地開始  退。

走左冇十步！特然哇！一聲，原來太陽啊伯玩野，係貓地走的時候特然跳出來！唉，算把啦，外星貓雖然睇唔到2009年第一個日出，剩係見到光出，都好開心因為可以同貓媽媽一齊過！