從來冇唸過外星貓第一次同貓媽媽一齊過元旦，會係阿里山迎接2009年的第一個日出。貓覺得勁開心，又一次証明貓係幾易滿足的人，多謝果班瘋狂的134同學我先有機會。

呢個貓媽媽報完名就乜都唔理，剩係知12月31號夜晚8:00台北車站集合，9:00上車外星貓開始有D後悔，原來要係旅遊大巴上面倒數，各位觀眾可以想像下坐車坐幾粒鐘，一定係係車度大昏迷啦！貓地訓訓下被叫醒倒數，乜氣氛都冇啦！不過ok啦，都係與別不同未試過的倒數方式。最麻X煩係果導遊先生重要叫人出去講下野喎，都算啦，鬼整佢重要叫最「年長」果個，下，乜話？即係我？唔好玩啦老細，當佢透明。

車開始上山不停轉灣，外星貓開始祈禱，千奇唔好嘔啊，唉，品性難移，哈，終於都係忍唔著，嘔嘔嘔嘔！愛情的力量真係勁！令一隻平時怕嘔，死都唔肯再去阿里山的貓再捨命陪君子。