見到cat我好開心，但係見到他滿臉歡喜地望著呀豪，我的心情就十分複雜，見他開心我也開心，但同時又酸酸的。
為何呀豪唔理他呢？cat其實想親近他的，呀豪對他又不是沒感覺。假如我有時間的話，我真想出手，但惟有看他們的造化了。

我的心情起伏不定，之前落的決定亦都左改右改。不過似乎係改最後一次，因為無時間再改，做其他野。

今天 二零零五年 五月三日
放左學，傾左一陣CCB，就帶著十分混亂的心情，照原定計劃去打陣籃球，出下汗。SBI同青衣IVE D場都爆哂，惟有去美景果個場。超污糟，打到成身黑哂。

一條友嚮度狂射。練下跳耀，練下跑步，練下急速來回，練下走籃。汗流不停，手腳酸軟。我一直打一直想，為何我練的時候咁準，我已經一日到黑咁練，但係點解一鬥波就狂唔入。首先我發覺，一有其他人嚮度，我的準蠅度就會立刻下降，我太易受外界環境影嚮，只有兩個極端的時候，才會最準，一就是完全沒人，仲要唔好諗其他野，二就是鬥波鬥到忘我的時候，我平時苦練的姿勢及體力，才會發揮得淋漓盡致。

又如何才會忘我呢?我個人好衰，順境的時候，就會懶懶行咁，只有逆境的時候，即係輸緊的時候，心入面逞強好勝的一面，才會展露出來。另外我又無接受過任何有系統的訓練，所有的技術都是靠平時鬥波一點一滴的觀察及體驗，或偶有名師指點兩句。所以我習慣在鬥波的時候去練波，只有鬥緊既時候，至會進入狀態。

我防守的時候唔夠貼，射波起手太慢，走位太生硬。其實打波同打交一樣，要打得準，打得好，全乎一心。力在何處心傾在何處，心入面要如同明鏡止水，神宜內儉，氣需鼓盪。射波起手盡量夠高，盡量向上，盡量高投物線同時投籃要輕，才會易入。拍波就要低，要眼觀六路，手腳要盡量伸展，拍波盡量要飄忽不定，要出奇不異，最重要的還是節奏。

雖然我知到要咁做，但係就係因為內力不足，手腳有力，卻上氣唔接下氣，勉強施展卻又頭暈暈眼花花。
......................................................................................................

就這樣，我不斷地想關於籃球的東西，汗水流到一地下都係，然後就又去鬥左幾場波，在球場上縱橫飛奔，終於甚麼 莉娟、嘉明、文樂，都拋到九逍雲外，目光只剩下眼前的敵人，心裏只存想氣息的運行。

鬥完一輪波之後，走回學校鎖番好個波，然後回家。這一段路我走得好平靜，發覺終於了無牽掛。

暫時這一段時間，都難以再空閒，希望如果明天可以跟Catrina影埋有可能最後一幅相，就所有的感情事都告一段落。

Drama完了，課堂不用再上，Delifrance唔番住，馬會亦約唔到人一齊番，各人番工，外國讀書，考試，都各有各忙，就算唔忙我都唔得閒理了，電腦唔搞住。

黎緊呢一個月，跟之前的幾個月會好唔同，會係閉關的日子，會係唔會輕易感動的日子，必需是理性的，是沉著的，是專心的，是緊迫的，是有規律的，是健康的。

日記亦暫不舒情，要是向自己報告每天的進展，嚴肅地檢討。
要早睡早起，每天都要去打波鍛鍊體魄。
要有充足睡眠。