最近與朋友閒談，他的同事對「成熟」一詞有以下的看法：不斷工作、不斷賺錢、不斷升職，懂得追求這些東西就是成熟。

口痕友當然感到十分震驚，心裡想：「ｗｔｆ！」。咁都叫成熟？

我地由懂事開始，身邊既人就會不斷灌輸好多價值比我地，例如讀書考第一謂之叻仔；多才多藝、乜野都學一餐謂之有才華；頂撞父母長輩謂之冇禮貌；講粗口謂之粗鄙．．．但當中最殘惡歹毒、後患無窮既價值，就係「有錢就等於成功」。

其實以上種種價值觀，都唔係必然正確，係可以拗既。但好多人都冇懷疑呢ｄ價值既意識，而只係照單全收，不加以反省批判，自動咁成為人生既路標。好多人都會咁諗：我有錢有車有樓有老婆有仔有工人有二奶．．．就係完美既人生喇～～

有ｄ父母同老師係會咁講：你而家讀好ｄ書，將來入間好既大學，就可以賺好多錢喇～～但點解人生一定要係咁？持識得追求名利富貴既人就係成熟既論調既人，其實只係一直保持住「成績──＞錢」既想法，說穿了，思維上冇進步過，連少少既自身批判都冇。

究竟錢對自己黎講有咩價值？想從工作上得到乜野？工作對自己黎講係ｄ乜野？不過最終既問題係：你想０係死之前追求ｄ乜野？其實係咪有ｄ價值係作為人類應該追求既？呢兩條問題，其實係批判緊自己既一生。懂得解答呢兩條問題，至配得上為成熟。

世界充斥好多荒謬既論述，但佢地係會自稱為真理，如果不加思索就硬生生吞落肚，只會害左你一生。總之，「不要信、只要問」。