一套講「科學的意思」既動畫電影。畫功，好掂下。好似話用左八年時間製作，畫左十八萬張畫先做到。更勁既係，哩套2D既動畫，竟做到3D既效果，好勁。

不過故事就弱左少少呢。主角係少年阿Ray嘛，但我覺得戲中對佢既描述唔夠多。三爺孫既關係亦都未寫得好出色。講科學既價值同意思，好似又講得斷裂左d，有時都唔記得或唔明d角色講乜。

不過呢，有段講得幾好的。爸爸艾活話科學進步之後，人既心就自己都會有進步；爺爺就話，科學係要以人心為本，要一步一步咁發展。(哎呀！哩個point可以加落我兩日前交果份paper度架~)人心，到底可唔可以跟到現今科技既高速發展呢？我覺得，唔得。我從來都覺得人既適應力係唔低的，但面對一個日新月異既社會，我發覺，要人係精神上配合一個變變變既世界，真係好高難度。所以，我係爺孫派的，我支持人心為本的。

哩套戲係04年上畫，同年上映，又係講科技同人心既動畫電影，重有宮崎駿既「哈爾移動城堡」同押井守既「無邪」。「無邪」有碟了，遲d睇。等我買埋「哈爾移動城堡」先，之後一次過比較下三套戲。

-----------------------------------------------------------------

原來我真係唔識評戲呢。