好多人都話：「我最憎畀人睇死架勒！」有時我都會咁諗，但再諗深一層，點解人地會睇死我地先？從客觀因素上畀人睇死都話，但如果人地係因為你既為人而睇死你，哩下，真係要自我反省一下。

羅賓．威廉斯係哩戲內面都係畀人睇死的，重要話佢好鬼死煩，話場球場完左十三年，佢就煩足十三年。但佢仍然嘗試去挑戰昔日既敵人，以及帶起身邊既老婆、朋友、以及係成個城鎮既氣氛。

vcd碟的封套話「生命有take 2」；講真，生命有無得take 2？以戲中故事哩講，take 2係可以，但，首先既係要面對當前的情況。老婆迫佢兩選一、朋友話佢唔想失去佢既威水故事、外父又挑釁佢、甚至係個城鎮本身都無乜生氣。樣樣都係令人氣餒既事，但主角最後都將氣餒化為支持。戲劇化嗎？我又唔覺，最少，佢present出黎時係logic的。

套戲既中文名叫「黃金歲月」。黃金歲月……我的黃金歲月在哪裏呢？定不會是那場球賽，亦不會是在讀master的時候、又不會是我毫無人生意義的時候，計落，我既「黃金歲月」就係中六、七哩兩年：成為「黃金一代」的兩年……

遺憾，不多吧？最少，歡笑比得上甚麼困難為多。

--------------------------------------------------------------------

我們在這兩年都畀好多睇死的，甚至，可能自己都睇死自己。但竟然，竟然係咁既環境下我地先可以好好成長。睇死？多謝哂。

我地既「頹勢」持續到今日都重係度，真係nice到爆。照計，係人都應該會有類似既經歷先係，但我總覺得我地哩班人都係頗樂觀的。點解呢？眼見文龍同黑柴兩個咁鬼敬業樂業、chris又向到目標進發、6k個fyp點死都好都自己一個撐住、劉文係不經意間又入左銀行界、蛇蛇同我又繼續讀書；就算我地間母校有可能畀李國章殺左都好，我地睇哩都唔會咁易死。

生命未必是美好的，黑暗中亦未必有光明；好野，唔會自己走出黎，係要我地自己去搵先有。