9月28日,星期二

去完做節，就去左同思政既朋友仔一齊過中秋，9點幾，我一個人要去到九龍仔公園去同佢地會合。自我懂性以來，我都未去過九龍仔公園架，只好硬住頭皮去la，呀～又比我找到喎～一路行一路都見到好多人玩緊螢光棒，哈～今次我都可以試下玩七彩邊。去到思政堆，呆左～我真係冇可能想像得到，點會有可能所有螢光棒都係藍色架，仲要筒螢光棒係過期架，有幾條唔會發光架。原來lee筒螢光棒係joyjoy買既，但要買貴左tim…幾好呀，成個場都無人好似我地咁得單色螢光棒玩喎，又唔駛點樣襯色喎（根本就無得襯），我十年加埋都無玩過咁多藍色螢光棒架…
今日去了嶺大既terry都黎左呀。我地一班人坐左係草地度談天說地，玩下遊戲。過左無耐，佢地就拿Ｄ爉燭同月餅出黎，我開頭都好笨咁以為今日大家真係only慶祝中秋，原來個月餅係用黎同我做生日架～哈～joyjoy年年都有新野～上年生日有兩個蛋糕，今年食月餅都唔錯呀～
好耐無見Leo仔，Irene，Vani佢地la。見返佢地好開心呀～咁就一年la～一年前大家一齊選莊，好多經歷，now我地已經做組爸組媽，見到又一班新人做我地上年做既野。好大感觸。果晚我地係咁玩集體遊戲，一二三紅綠燈都有玩呀～哈哈～我係船長都唔錯呀～
果晚又同Joey chat左陣～上左degree少見左la～朋友～唔好成日話我唔搵你呀～我貴人事忙ma～玩到三點左右，要返屋企lu。因為明日要take photo呀～

９月２９日

今日約左１２點返city影我地EC既海報，返到council房，大多都換好衫la～，阿Ｊ著西裝個樣好好笑～今日我地請到我地CM既同學仔阿Sam同我地影相～正呀～阿Sam超有心機～同我地左諗右諗，左搵右搵。搵d最好既地方同場境去影。科工去左五樓走廊，人院去左圖書館，商院去左時光隧道同人院既交流生中心。影到４點幾，仲話想等夜d去南山影多次，真係好好人～不過我就要去同轄委既委員同朋友仔去玩la。做埋d轄委野，等埋d朋友，就去銀線灣la。哈～Eric等左勁耐呀。之後就坐的士入去la。今日好多朋友仔呀～～不能盡錄～燒燒下野食，忽然阿漢話今日有神秘嘉賓，係咁話我知係邊個既…哦。佢地話夜d叔叔嬸嬸會同eng soc exco黎玩喎，當然對住我講就focus on Kristen la。係咁就佢地會黎架，不過我就唔信la。之後就無再埋佢地lee個話題la。燒左一陣，就去沙灘行下～me sell同MS Cody送左禮物同card比我呀～估唔到呀～超開心呀～上返去，peter同阿ken黎左la～我至愛既好委員～不過peter唔讀la～以後會少見好多，今晚又同佢詳談左好耐～之後上返去諗住燒下野食，BC Cody就話去買野飲喎，之後就去左小食亭度買～我都估到d架la~去到小食亭，結果係小食亭個阿姐拿個蛋糕出黎比我呀，哈～lee個安排就估唔到la～見到個蛋糕～好感動呀…等等，上面畫左條魚既？！仲有包魚仔餅tim。不過都好開心^^ Then我就抱住個蛋糕出返去，我都係第一次見生日果個抱個蛋糕出黎架ja～哈哈～佢地寫左張生日咭比我呀，但當中既恭賀說話我就唔多講ＬＡ。hee～今次其中一樣最開心就係果日對我既破壞遠比阿漢生日果日少～食左個cake～影左好多相～就繼續我地既談天說地la~…

９月３０日

今日本來要返學架～不過遲左起身…算la，果堂都係吹水堂…唔返la，留在屋企溫書la。溫到差唔多三點，返左學校，最後都無上rosa堂。夜晚有個細EB既簡介會，今年我係候選EC，所以都要去聽下呀，去到順便睇下兩支莊la～搞錯，兩支莊加埋都唔夠１０個人，上年我地思政親政都齊莊到架，今年搞咩呀…EB佢地講返今次大選安排～哈～成又日望過黎，我今日個身份唔係細council同轄委呀，唔好理我la。講完之後，我要等埋我個女（佢係細EB），所以就入左去佢地批候選莊間房度等佢地la。就係lee個位比人話我影響EB決定，唉…無奈。

今晚我地去左一個組仔西貢既一間屋度玩呀～去到果時d仔女已經玩左好耐la，佢地有d都坐左係度睇電視la。我就唔理咁多，去個爐度燒野食先～哈哈～五個組女同佢地個kelly媽成班師奶仔，野都唔食係咁睇金枝慾孽 ，用果兩三分鐘廣告時間先過黎燒一燒。我就同Ｄ組仔chat下la，好耐無見la ma。好多野食呀～食到差唔多，佢地就迫我去洗手間，哈～好“ja”呀。過左一陣，佢地先比我出黎，當然有個蛋糕la^^。上面寫左８月１７日同１０月１日兩個日子，佢地話８月１７日係滅組第一次見面，希望以為lee一日大家都可以返到這間屋到聚一聚喎，可以的話就好la～至怕到時佢地做左人地組爸組媽既時候，唔埋我地ja～望住d仔女，望住個蛋糕，雖然一早知佢地會同我慶祝，但果下我真係好鬼開心^^，切左個蛋糕，忽然“爸爸，送比你”，我一轉身，就有兩個組女拿左份“禮物”比我la。我真係呆左…係一條咸魚…心情就好似坐過山車一樣，剛去到高處，馬上就掉下來。哈哈～我都只可以話佢地好有心～。張生日card係福如東海果Ｄ黎架～哈～。之後我地食完蛋糕，就係果間屋又唱Ｋ，又打機la～出左camp之後我地滅組好多時都係飯聚～好少出黎真係玩架～今晚玩得好開心呀～carven成晚全職打碟呀～唔該晒～本來話兩點幾返去city開會，最後都係玩到３點先走～d仔女就玩到天光。

返到city都４點la，我地今日開長會，要委任大EB呀，不過好似話佢地prepare唔夠，搞到搞左成９個鐘都係norm左三個ja，唉～…我開會開到９點左右，終於頂唔順la，入左council房slp。個會都１０點休左lu。起身吃埋個早餐就返左屋企slp la。

１０月１日

返到屋企slp左一陣，１點就起左身la，因為約左慶麟地ma～佢地今年約左我正日同我出左去慶祝呀。哎～平時你地約我去玩，我都去唔到，今日點都留比你地la～我地出左去九龍城唱Ｋ，幾個人，咩都唱一餐，都唱左Ｄ舊歌～間唔中唱下都幾得意呀，真真假假，護花使者，平時都唔會諗返起～我真係有Ｄ衝動想唱electric girl，唔識？！張立基架～哈哈～唱完Ｋ，成班人（都係５個姐）返左我屋企，坐左陣，就出左紅磡睇煙花la。
去到紅磡碼頭，企在個巴士站旁睇，去到果時其實我已經好眼訓架la，都唔多有興趣睇。今年Ｄ煙花大多都無咩特別，不過我最鐘意就係果個“哈哈笑”煙花，雖然好簡單，但係所有在場既香港人睇到都好開心，萬紫千紅如何燦爛都唔重要，可能宜家香港人最需要既，就係lee d簡簡單單既快樂。我見到個“哈哈笑”煙花，心情都輕鬆左好多呀～呀，今日終於feel到現埸睇煙花既震撼，因為我地真係比佢震親。之後去左重慶大廈到食咖喱，試左幾隻唔同味既咖喱，幾好食la～不過唔多飽^^之後去左星光大道chat左陣，就返左屋企la，因為真係好眼訓呀(不過都已經一點幾la><)。


我既poster出左LA~~~
D人話影到有Ｄ周傑倫feel喎…
但係，其實我係劉華。