都唔知係天氣差左, 定還是係我身子弱左, 次次都係d 佳節日呀, 放假呀先黎病, 真係繼中秋後又一大搞野!!! 今次仲要金d , 病到連聲都出唔到, 就算講到野, 一聽到自己把死人聲就即刻唔想講野!!!

我只係想要健康, 點解都好似咁難???
聖誕節唔係又冇得玩呀嘛???

慘無人道!!!!

琴晚同成班Mainland 員工一齊開christmas party, 其實我唔多想去, 最主要係病到個人傻左, 又呆, 都唔會點玩架喇!!! 人地個老闆娘想我地同佢飲XO, 嘩, 想我死咩!! 我梗係唔制喇, 我咁o既情況飲完都唔駛出個門口, 可能仲要call 白車添喎. 我拒絕左佢之後, 佢連野都唔講多句, 我冇乜所謂, 反正有冇野講都冇咩分別!!!!

party 當然唔少得抽獎哩part 喇, 記得上年我抽到個osim 電動按摩器, 重到死........但好實用lor! 估唔到今年竟然抽左份好搞野o既, 你估下係咩? 如果我唔係親眼見到, 我都估唔到哩個牌子竟然有出哩家野!!!

開估: 係 Agnes b o既香薰座 (連兩盒香薰油)

等我聽到Agnes b 仲鬼咁開心以為抽到d 袋呀, 銀包呀咁........真係吹漲!!!!!!