強詞奪理
上星期有兩位客人
強詞奪理的情況都令人嘆為觀止 ~~
一個忙碌的上午
中心已經擠滿了人
她,原本約了上午十時來做身體檢查 (女士行政套餐)
可是,等了良久都仍未出現
同事們都以為她爽約…
上午十一時
她和女兒出現
登記時,S 同事笑面迎人向她們問好
然後輕問她們遲到原因
怎料,女兒回答「係呀,約左十點呀,但你地都無叫人唔好遲到」
所有同事登時呆若木雞
難為 s 同事仍笑著跟她們說「哎呀,係姐,我地都無預你遲咁多架」
由於已過十一時,醫生早就回 OPD 應診
同事即時找他回來看症
她們竟在等待期間嫌我們安排失當
要她們等…
而且,早前替她們約的 USG, ECG, treadmill, mammogram, cardiac echo
全部都因她遲到而要即時另作安排
一般客人可施施然一步一步完成檢查
但這位客人卻要外穿手術袍
短時間內趕來趕去才完成一部份
有一個還要等數小時才安排到
結果,因為她遲到
她檢查所花的時間比常人還多
可說是「自食其果」!
過幾天
即宗教醫院給血崩孕婦家人衝擊翌日
又是身體檢查的客人
媽媽擔心兒子的高血壓情況
於是向 L 醫生詢問藥物事宜 (那些血壓藥是別的醫生處方的)
「醫生呀,佢 d 藥係咪無效呀,d 血壓都仲係咁高嘅」
「哦,呢隻係比較溫和的藥黎嘅」
「咁係咪即係無用呀」
「哦,唔係,控制血壓有好多種藥嘅,呢隻係比較溫和」
「咁係咪即係唔得呀隻藥」
「呢隻係比較溫和」
媽媽發難,說「你 d 醫生咁講野嘅,而家你地醫院出左事呀,仲可以咁講野嘅」
L 醫生也不弱,說「太太,我咁講係因為我都要尊重番開藥果位醫生姐,人地清楚你仔仔情況,開呢種藥有佢原因,我都要尊重番佢架」
房間聲音靜止…
一件血崩孕婦事件
事件根本只是與掛單醫生(非駐院醫生)有關
血崩事,沒一間醫院沒發生過
而且孕婦上一胎生產時遺留下來的手尾
種種因素造成意外
可笑,原來在別人眼裡
所有人都有錯
好驚啊!咁點先可以避免血崩架?