後果,唔好聽叫補wok
呢三日有兩單,前後有關,令我明白咩係禍由口出,同埋懶人有惡報

先係星期五朝早到晏晝,講d唔講d之後又亂講野,激到鄧生lunch都唔食
稔返我呢個所謂既聯絡主任,對佢黎講真係唔合格.我會檢討下!
話說鄧生叫我執下自己間房..我答成日都咁忙,假期又要幫佢執下野,..(呢句好似責備佢唔幫我執..)跟住中午我又話office唔方便講私人電話,同佢份工唔同..的確我又唔需要講後邊呢句既....
女仔人家,要個男友叫我執下房,都幾慚愧
好在鄧生你最尾都原諒左我,做埋姑哩同技工,我部腦先可以靚仔晒!仲有viewcam正!
下星期開四晚開夜都有得見lu!^^
下星期再整d好野過你食啦~!

今日用左八個鐘頭,休息左幾次,清左要丟既野,洗袋&床單&鞋,將d文件入好曬,抹曬塵,辛苦過年廾八...但仲有兩個衣櫃未郁過,想死...
琴日仲話朝早執野下晝做gym..真係體力精神都累過做gym啦呢勻,個鼻又勁敏感,手指頭黑左四五次.如果耐唔耐執下野就無咁辛苦啦!點解我成日都有早知,無..

打掃期間,發覺自己係二月至五月寫左勁多求職信,當時都幾似坐過山車,工作無晒能量,勁想走...睇返得三份一有回音,但都係政府contract..有d感觸....究竟我下一份工要行咩路呢?無專科係手都幾徬徨,希望係呢份工學多d野,第時用得著..

-------------------------------------------------------------------------
下晝同深崇既annie msn左一陣,佢係名乎其實既半工讀,我就唔知讀埋有無用

今晚邦仔打比我,佢已經升大四就快畢業.今年真係要請佢食飯啦!!

表妹講起佢結婚既野,一世人一次,真係聽佢講都替佢緊張.佢月尾就嫁去台灣啦,希望佢婆家錫到佢濃啦~

稔起係北京既bibi添...但無理由idd徙佢$$架嘛....暗地裡講聲:加油呀~!

-------------------------------------------------------------------------
琴日個天雨,搞到個法團取消開會,我徙左兩個幾鐘無會開,間管理公司點做野架!!無法團既印仔就貼通告.個負責人仲要係九龍城民政處做過添,shirley話佢個時勁無踏霎,果然係喎,睇死佢無通知比我地.激氣~!徙我時間,星期六晚走去大酒店區開工仲要得個桔!!!
對呢份工又愛又恨lor.