年青人，既然要寫網誌，為何不用心寫？

　煩請大家一起看看：　

　「五月廿八號，老公豬接我放工，好開心呀！又買野食俾我，真係好甜蜜呀！」

　「五月三十日，老公等我放工，愛死你呀！有你在身邊真的又甜又溫馨！」

　「六月七日，我哭了，你知道我心痛嗎？」

　「六月九日，老公豬，我以都唔發你脾氣了，我答應你！」

　「六月三十日，呢個世界淨係你識嬲，我唔識呀？無你我駛死呀？」

　<劇終>

　

　簡單啲講，我睇到第一個感覺係，屌！點解唔咁打？咁咪重慳水慳力：

　「五月廿八號，老公我愛你！」

　「五月三十日，老公我愛你！」

　「六月七日，老公我愛你！」

　「六月九日，老公我愛你！」

　「六月三十日，老公我屌你！」

　或許他們已很用心寫，但我想說：如果這樣已叫用心寫網誌，那麼，我想問，你讀書讀咁撚多年，你讀撚左啲乜春出黎？

　講真，我認為寫網誌是沒有錯的，像上述這樣寫網誌的人，更沒有錯。

　只是，我覺得，好撚悶，俾少少高潮好無？

　大佬呀！你日日老公老公老公，但係啲劇情就係愛你愛你愛你，悶唔悶？

　可能有人會話，咁人地兩個甜蜜咪得囉，你理得人啫！

　咁我唯有講句，我睇唔撚過眼佢地甜蜜得黎咁柒悶呀，你又理得我啫！

　

　題內話：如果我係妳老公，我就會搵過另一個文筆好啲o既女仔啦，起碼我唔駛對住啲無感情o既文字要扮曬感動。

　到時條女肯定會問：「我update左我地個blog喇！你去睇下啦！」

　男方一定要扮：「(邊睇第二條女o既網誌，邊柔言細語地說)好感動呀，豬豬！你真係愛我喇！」

　基本上，呢類型網誌的內容，在另結新歡後，是可以循環再用的。只要一日未變性，換過件之後，新歡也是叫老公。開一個新台，最後copy上去，搞掂！

　因此小弟在這裡提醒各位，文筆唔好係可以練返來的。所以如果有心寫兩人的甜蜜愛情日記，唔該，先學下點寫一篇好的抒情文，以免丢臉於人前。

　覺得無從入手？我建議先同男友一齊睇蘋果的風月版，成本低，質素高。

　到時候再寫，內容必定與別不同！尤其是在描述你與對方在床上如何翻雲覆雨的過程時，肯定手到拿來，睇返都回味無窮。