當曾特首無啦啦發神經話要將香港打造成亞洲倫敦，首要條件是突破一千萬人口時，小弟心諗，呢條友，真係愈黎愈似董建華喇！

　照曾特首呢個邏輯推論，我地親愛的祖國都應該係國際，世界，地球，甚至乎係宇宙的全方位樞紐啦！因為單單是我地中國，已經有十三億人。但實情又係點，唔駛講咁多，只睇呢兩單－山西磚廠奴役千名童工，安徽過期稯包裝再賣，都可以知道似乜。十三億人，有十二億九千萬係貧民。經濟起飛，人民質素卻沒有一併起飛，成了金碧輝煌於外，狗屎垃圾於內。我出街時，見到啲內地人，手揹LV，身穿AMANI (咁樣衰？)。講啲野，重變態野蠻過阿蓋達啲武裝份子，污呢媽叉，小你爸爸，行過望望佢，佢話你阿媽生你生錯所以累全家。咁o既質素，您話人多，有乜用？

　香港就更加係啦，人口七百萬，當中包括：MK仔女、無良商家、內地孕婦、大陸綜援戶、天水圍吸毒學生、各國妓女等等，足足佔據香港一半的地方，我實在唔敢想像，到一千萬人口時，香港重有無地方俾人行。我估計，屆時個個都要識武空術，或者要學輕功水上飄先可以係香港街道上行走。而另一方面，貧富縣殊一日嚴重過一日，商家就一日無良過一日，通縮減人工就天理，通漲加人工就無理，堅尼系數飆升過0.5，到達社會動蕩o既階段，香港而家似乜？連督屎都唔似。

　基本上，香港就早早已經唔係人住o既地方，適合定居係呢度o既人只有幾種：
　1)一群返工OT到爆，但永遠唔要求加人工o既牛羊一族；
2)讀書唔知讀乜，只要信不要問o既傀儡學生族；
　3)買完塊地起幾座屏風出黎，就賺人一世錢o既地產冚家富有族：
　4)恃仗家中富有，一出世個別號已為二世祖或金鎖匙一族；
　5)唔怕俾人話賤格樣衰，呃綜援，厚顏無恥地呃福利o既衰足幾世族。

　所以，我係極度反對香港人去生三個仔仔女女。唔單止反對生三個仔女，直程係一個都唔好生。你試諗下，當你個仔出世後，佢又要繼續俾啲刁那星無良商家日夜折磨，佢老母中小企業一世蹂躪(呢兩句好工整架！)，生佢出黎就係即係等於送佢去地獄。而且，你生佢出黎，因果報應，你下一世就做摺凳，再下一世就做牛屎，咁你生黎又做咩呢？當然有人會為傳宗接代去生仔，有人會為鐘意細佬仔去生仔，有人會為綁住對方而生仔，有啲人更偉大到為左香港人口唔好老化而生仔。但以上呢幾類人，我同你講，香港係生係死，唔到你話事，要吳邦國俾你生，你先有得生，否則，理得你個仔係毛澤東，一樣要死。

　如果大家依然聽完我講，覺得我好野蠻，唔乸想聽我講野的話，我試試再用另一啲理由去說服你唔好生仔。即係咁，你生仔就會加速地球滅亡，因為你個仔出世後，會耗用地球能源，如電(開電腦睇鹹碟)、水(自瀆完用水沖涼)；或破壞地球生態，如使用避孕套(膠質物料難以分解)，食肉(令到牛羊雞豬的總數目減少)等等。只要你一生個仔出黎，你個仔就難以避免地破壞緊個地球，令地球壽命縮短，到時你就成為千古罪人。

　因此，在曾特首呢條粉腸講完呢番話後，我真的希望大家有空想想，香港而家已經唔適合人住，你相信十年後的香港會好一些嗎？我敢寫包單，一定唔會。假設你是一個有良知，有道德的人，你必然唔會做一啲破壞地球o既事，更加唔會希望自己的子女將來受苦。所以，由今天起，不要生BB，不要讓子女淪為地產界，中小企無良僱主的奴隸，並舉出中指，向曾特首說一聲：你仆街仆遠啲啦！