六四晚會的燭光今年在維園第十八次亮起，那群北京大學生就這樣死乸左十八年，北京政府亦都避足件事十八年。

　馬力玩火自焚，令晚會今年氣氛相當濃厚。這晚會原應準備得更充份，更豐富，可是，支聯會選擇的內容與辦出來的質素，令他們白白錯失了一搞大佢，與驚天動地的機會。

　坐足整個晚會，最印象深刻的是支青組與被人打個個何俊仁。那兩個環節給小弟一種悶到恰眼訓，並且想上台打爆說話者的感覺。如果是因為他們怯場，先講到一截一截，齋讀講稿，都尚算可勉強接受。如果佢地係上台爆肚，重要講成咁，我頂，咁不如搵馬力上台講返幾句六四感想就算。

　重有，我真係希望班法輪功同我死撚開，你反共唔關我事，我黎六四唔係反共，係平反。雖則話我地都好無聊，平乜春野反，六四根本就存在，鐵證如山，夠薑共產黨你就唔好認！

　原本實在有心加入支青組，但是還未考慮清楚，小弟想的不是自己能力高低，第一念頭想起的是：「禍不及妻兒。」假若有一天我老婆同我個仔被人威脅著，咁我應該點？呢個問題一日未諗掂，一日都唔好搞呢壇野住。重有，如果俾我阿媽知道，佢實趕我出門口，咁當然我唔怕同阿媽吵，但無屋企住就真係閉翳左啲，唯有等多等，諗多諗，先再作打算。

　最後，支青組的青年們，希望你們求進，不要令六四薪火失傳，我現在的感覺是，你們還有好一段路走，而且，你們發出的燭火，實在太黯淡了。