小弟生於浮世之上，厭惡的事多不勝數，而眾多事中，其中於我相當厭惡的則是「夜晚要起身痾尿」。

　黃子華說過，香港之所以被稱為「東方之珠」，是因為香港人永世都唔夠訓，試留意每朝返工，香港人的眼睛總像初生嬰兒般，鋪曬膜，眼濕濕，不斷打呵欠，個口開開合合，成隻珍珠蚌咁！正是這樣，香港人才被冠以「東方之珠」的美名。

　大家試想想，無論上班上學的人，你人生有幾多日子是訓飽先起身？真係十隻手指數得曬。

　而家唔夠訓不特止，重要加上腎虧，睡意正濃的時候，竟然急尿？急尿時，我心裡總會抗爭，去唔去痾好呢？痾左就少幾分鐘訓架喎！去唔去痾好呢？去？唔去？

　我每晚一急尿，總會用三十分鐘掙扎，糾纏，到最後忍唔住先起身以極速去痾的。大家可能唔明白小弟的苦況，但小弟真的是啞子吃黃蓮，有苦自己知。當你可能只有四五個小時訓覺時，還要耗費三分鐘去痾尿，那種感覺，是多麼的奢侈。

　而且，男人睡覺起床時，陰莖總不其然地勃起上來。可能大家會問，關勃起咩事？所以話你地唔了解男人。陰莖勃起時，痾尿是相當困難的。他們要努力把勃起的蔭莖壓下，將尿道瞄準坐廁，但是，若壓下陰莖的力度過大，便會痾不出尿，(可能是壓住了尿道吧？)若壓下的力度太少，便會痾到周圍都係尿，或射中廁所板，或射在地下。最後又要瞄準，又要唔好咁大力，取其最恰當的位置，是何其困難呢！痾完之後，若果不迅速清潔乾淨，與家人同住的便會隨時踩到尿，鬧你老祖宗；若單身的，則明朝醒來，澀氣沖天，如公廁般，尿漬無處不在，那時才抹感覺更嘔心。

　最後，舞完一輪，收起陰莖，洗淨地布，抹淨戰場，便已浪費了三四分鐘，(我好快手快腳的)溜溜長夜已過，又快要起身返工。所以話，痾夜尿，係咪好乞人憎先？


p.s. 有一班唔知邊到出黎o既死鏟，成日話男人好呀，扑完野之後可以兩手空空咁走，不帶走一片雲彩，何其快活。我就覺得，講呢句野o既野o既人，一係就係女人，一係就係無賓州的。