2007-02-23 06:33:41遙
恐怖熱線
(上篇情人節月經post漏了小弟拍拖中的痛苦電話經歷，[反正你地鐘意睇我點仆街，岩曬你地啦！]現加以補充。)
傾電話是拍拖時經常要做的麻煩事，而傾電話的麻煩程度大約麻煩過阿媽迫你飲湯咁上下。
咁其實傾電話最重要的是甚麼？就是聆聽喇。(「你好廢呀！」「咁你又睇？」)而小弟自覺傾電話時的聆聽表現都能做到七十分，結果怎樣？且觀下文。
1)Attending (對發言者集中)
小弟傾電話時，精神是極度集中的，但假設你是跟一個出聲時，音量只有5 分貝的人對話，連聽都聽唔到佢講乜，集中，有乜用？ (5分貝即係幾多？大約比微風吹樹葉時的「沙沙」聲還小一點。建議參看連結。)
小弟拍拖時經歷了這種虐待情況約一年零六個月，在這期間，每一個晚上，電話到，我便有種焦慮、痛苦、無奈的生理狀況。聰明的我當然立刻做其他事情去打發時間，如痾屎、清潔、玩電腦、溫書，最後前菜察覺到我分心於其他事情，又會立即問：
「(憤怒地)點解你唔出聲？」
「(更憤怒地)我只聽到你隔黎隻蚊係到飛。」
「(輕聲怕俾屋企人知地)我啲朋友都聽到我講乜。」
「(型仔地)咁妳同你啲朋友講吧！」
「(柔聲和極度悲傷地)妳唔愛我。」
「......。」(省略號並非因為我無奈，而是我聽唔到佢講乜。第二朝我問返佢講乜，佢話佢講我唔愛佢。女人，真係成日要講個「愛」字。但係佢地又知唔知男人，只會講「做愛」而不「談情說愛」？)
2)Encouraging (鼓勵發言者繼續多說話)
小弟的前菜習慣每次我講乜，佢就反對乜。情況大約是：
「男人有啫啫。」
「男人無啫啫架，低能！」
每次我講乜佢都鐘意反駁一餐，佢以反駁贏我為天下己任，老實講，佢講啲野好多都有道理，不過種道理係只能適用於佢自己身上。
可能佢一直反駁我都無乜問題，起碼都可以吹下水，不過問題係，佢除左反駁我之外，其餘時間都唔講野，搵士巴拿撬佢把口都唔開，(一開口就夾著我條脷)要我晚晚一個人做兩個鐘頭歡樂今宵。大佬，水塘都有被抽乾o既一日啦，我被人抽左年半先無貨，都算係極限喇掛？我曾經深入探討過原因，佢唔出聲唔係因為佢斯文，而係我講啲野，好多佢都唔多想聽。(但係佢又迫我講野)我講的題目包括時事、文學、學校是非、食野、自己歷史、考試等。點解會唔想聽？Who knows and who fucking cares?
3)Reflective (反映番對方感覺/內容, 顯示你了解他的感覺/內容)
呢樣野真經典！我記得有一次佢同我訴苦，話做group project，後來做得不好，俾班主班抽左佢地出黎鬧，跟住佢啲朋友互相指責，最後鬧到很不愉快。我話我好明白佢o既感受，你覺得你地應該大家咁好朋友，唔應該為啲咁o既事而吵大架，對嗎？佢答我，唔係咁o既意思丫，而係......(講o既內容一樣，重覆又重覆)。
於是經過三十分鐘洪水猛獸式的語言虐待，我話我覺得大家現在唔好互相埋怨喇，係時候解決下問題，跟住我俾左一兩個建議，話大家坐低慢慢傾，討論下問題根本；或等風頭過左，當無左件事就算。(自動波，垃圾建議兩個。跟手咪有報應囉！快到離譜！)
然後，佢對我咆哮，話：
「我唔係要你俾咁多意見我！我只係想呻下，搵個人聽我講野咋？你做乜係到俾咁多意見我？扮曬乜扮曬物咁...(俾佢咆哮鬧左幾個世紀)。」
我冷靜並慢條斯理地答：「(反詰句)做...乜唔同幅牆講o既？」
4)Active (表達同感/同情)
前菜一直都覺得自己好有主見，好強，所以不接受小弟所給予的同情。因此小弟在任何情況下都不同情她，最後她問我：
「你做乜一啲都唔關心我？」
「超人要人關心架咩？」
我果然好賤格，但係，咁都無計架！
痛苦呢家野可能一山還有一還高，因此小弟無意角逐最佳被虐待狂金豬奬，各位亦不用替我在柏林影展上提名。
如果大家睇完上述的處境喜境，覺得小弟係講到自己好似好完美咁，我又唔會刻意去解釋甚麼，
不過我有很真心的一句話欲贈予施主：
過主啦！
傾電話是拍拖時經常要做的麻煩事，而傾電話的麻煩程度大約麻煩過阿媽迫你飲湯咁上下。
咁其實傾電話最重要的是甚麼？就是聆聽喇。(「你好廢呀！」「咁你又睇？」)而小弟自覺傾電話時的聆聽表現都能做到七十分，結果怎樣？且觀下文。
1)Attending (對發言者集中)
小弟傾電話時，精神是極度集中的，但假設你是跟一個出聲時，音量只有5 分貝的人對話，連聽都聽唔到佢講乜，集中，有乜用？ (5分貝即係幾多？大約比微風吹樹葉時的「沙沙」聲還小一點。建議參看連結。)
小弟拍拖時經歷了這種虐待情況約一年零六個月，在這期間，每一個晚上，電話到，我便有種焦慮、痛苦、無奈的生理狀況。聰明的我當然立刻做其他事情去打發時間，如痾屎、清潔、玩電腦、溫書，最後前菜察覺到我分心於其他事情，又會立即問：
「(憤怒地)點解你唔出聲？」
「(更憤怒地)我只聽到你隔黎隻蚊係到飛。」
「(輕聲怕俾屋企人知地)我啲朋友都聽到我講乜。」
「(型仔地)咁妳同你啲朋友講吧！」
「(柔聲和極度悲傷地)妳唔愛我。」
「......。」(省略號並非因為我無奈，而是我聽唔到佢講乜。第二朝我問返佢講乜，佢話佢講我唔愛佢。女人，真係成日要講個「愛」字。但係佢地又知唔知男人，只會講「做愛」而不「談情說愛」？)
2)Encouraging (鼓勵發言者繼續多說話)
小弟的前菜習慣每次我講乜，佢就反對乜。情況大約是：
「男人有啫啫。」
「男人無啫啫架，低能！」
每次我講乜佢都鐘意反駁一餐，佢以反駁贏我為天下己任，老實講，佢講啲野好多都有道理，不過種道理係只能適用於佢自己身上。
可能佢一直反駁我都無乜問題，起碼都可以吹下水，不過問題係，佢除左反駁我之外，其餘時間都唔講野，搵士巴拿撬佢把口都唔開，(一開口就夾著我條脷)要我晚晚一個人做兩個鐘頭歡樂今宵。大佬，水塘都有被抽乾o既一日啦，我被人抽左年半先無貨，都算係極限喇掛？我曾經深入探討過原因，佢唔出聲唔係因為佢斯文，而係我講啲野，好多佢都唔多想聽。(但係佢又迫我講野)我講的題目包括時事、文學、學校是非、食野、自己歷史、考試等。點解會唔想聽？Who knows and who fucking cares?
3)Reflective (反映番對方感覺/內容, 顯示你了解他的感覺/內容)
呢樣野真經典！我記得有一次佢同我訴苦，話做group project，後來做得不好，俾班主班抽左佢地出黎鬧，跟住佢啲朋友互相指責，最後鬧到很不愉快。我話我好明白佢o既感受，你覺得你地應該大家咁好朋友，唔應該為啲咁o既事而吵大架，對嗎？佢答我，唔係咁o既意思丫，而係......(講o既內容一樣，重覆又重覆)。
於是經過三十分鐘洪水猛獸式的語言虐待，我話我覺得大家現在唔好互相埋怨喇，係時候解決下問題，跟住我俾左一兩個建議，話大家坐低慢慢傾，討論下問題根本；或等風頭過左，當無左件事就算。(自動波，垃圾建議兩個。跟手咪有報應囉！快到離譜！)
然後，佢對我咆哮，話：
「我唔係要你俾咁多意見我！我只係想呻下，搵個人聽我講野咋？你做乜係到俾咁多意見我？扮曬乜扮曬物咁...(俾佢咆哮鬧左幾個世紀)。」
我冷靜並慢條斯理地答：「(反詰句)做...乜唔同幅牆講o既？」
4)Active (表達同感/同情)
前菜一直都覺得自己好有主見，好強，所以不接受小弟所給予的同情。因此小弟在任何情況下都不同情她，最後她問我：
「你做乜一啲都唔關心我？」
「超人要人關心架咩？」
我果然好賤格，但係，咁都無計架！
痛苦呢家野可能一山還有一還高，因此小弟無意角逐最佳被虐待狂金豬奬，各位亦不用替我在柏林影展上提名。
如果大家睇完上述的處境喜境，覺得小弟係講到自己好似好完美咁，我又唔會刻意去解釋甚麼，
不過我有很真心的一句話欲贈予施主：
過主啦！