香港人是一個變態的民族，超過一半人是以「睇你閉翳，唔睇你富貴[都有好人，好人會睇你冚家富貴]」的心態做人。

　當你聽見你的同輩賺錢多你幾萬元一個月，你不會衷心去恭喜他，你只會想呢條友從此消失於世界，費事有一日你見佢楂benz，自己得包衛生紙。

　當你得知你朋友伴侶靚過你型過你好多，你不會祝賀佢地佳偶天成，你只會祝佢地早點送綠帽俾對方。不想將來在街中碰面，人家的伴侶係梁朝偉周慧敏，自己的伴侶係汪明荃八兩金，相形見絀。

　當你收到風，講有條友淫賤不能移，同一時間約五個異性出街，上埋同一張床，你唔會質疑事件真實與否[男人得一支鎗，女人得一器皿]，你只會加鹽加醋將件事誇大十倍揚出去。反正，條友死左對你無影響，而你講件事個時候，聽的人重會當你英雄式咁崇拜。

　香港就是一個這麼變態的民族，當然，樹大梗有枯枝，但係香港的枯枝未免太多了吧？

　不！不！不！我並非說到香港人一無是處，香港人的好處是世界沒有的。

　香港人好處在，自己係中國人，又死都叫自己做香港人，唔鬼認自己屬於中國(乜自己有得揀黎認架咩？如果係咁，我想做台灣人，因為市長貪污是可以光明磊落的)；
　香港人好處在在於覺得性行為係人的本能，人的宣洩，唔理道德，十二歲都可以做愛，o靚仔，你出齊毛未？
　香港人好處在，當自己一方面不滿天星碼頭鐘樓被人拆，一方面係屋企打邊爐睇新聞大嗌：「妖！政府做乜鬼唔聽我地講野？」
　香港人好處在，覺得內地孕婦落黎香港生仔係仆街，但係自己又鐘意返大陸叫雞，包二奶。

　所以，香港人的色彩是別處絕對不可能擁有的。

　恭喜各位，你身處的香港，只要你唔犯法，做禽獸都可以活得理直氣壯。