2004/05/14

我記得我上一次追日劇既時候好似係讀緊高中定初中，個時係追同一屋簷下，個時真係超級鐘意個套日劇，日睇夜睇，之後仲要問人借埋佢既二來睇，我真係唔訓覺，日以繼夜咁追，煲到個時日文都識講幾句，哈哈哈。

今日追日呢套叫做美女與野獸，係福山雅治同松嶋菜菜子做既，真搞笑，當時睇既同一屋簷下，都係有福山雅治架，個時佢係二佬，靚仔醫生，好多人鐘意佢，今次睇佢係”野獸”，一個吊而郎當既記者，真係好搞笑，我上一次睇既同一屋簷下，已經係超過六年前既事，阿二佬都好似老左唔少，講真，咁我都大個左啦，真係覺得好似睇住佢老咁呀~~~ 當時好靚仔既醫生二佬，依家變左有少少殘殘既記者。

今日煲日劇既時候，先覺得原來上一次煲日劇既時候，已經係咁多年前既事啦，好得人驚呀>< 當時係中學生，仲係屋企煲，依家已經係美國，仲要係大學畢業，連master都畢埋啦，嘩，時間過得真係好快好快，快到我都唔覺。

好肯定既一樣野係，我以前追日劇，一定係睇下邊個靚仔，跟住就會跟住個劇情咁喜怒哀樂咁，但今次唔係啦，就係睇到好多以前睇唔到既野，反而無咁care入面既人靚唔靚仔，靚唔靚女，而係覺得由佢既各種細節，學到好多野，學到好多做人既道理。

因為佢既場景係一個電視台既晚間新聞部，岩岩好係一個辦公室，我覺得我真係選係一個好岩既時間睇添(明明係浪費左讀書既時間，自己仲要懶係話選岩時間-__-“ 自己都受不了)，因為我覺得我考完個bar，就要出來搵野做，咁即係就要進入工作環境，我係套日劇入面學到好多好多係工作上各種處事既方法。

令我諗起我之前睇過一本叫做FISH既一本書，好多企業既阿head真係唔多易做，我睇到阿菜菜子做得好好，而且佢真係一個女強人，好犀利，但一個人再點叻都係有無助既時候，都係需要人幫既。

唔知點講啦，總之睇完，就覺得超正，心情都唔錯咁。^________^
更重要既係，我又記得我係大城市來既 哈哈哈哈哈