我自己都算幾好彩囉，因為上幾日覺得搵屋好鬼煩，搞到個人都好慶>< 之後我呢幾日忙完，搵屋既事算係搞掂。我決定五月搬出去住啦，拿，記得五月後唔好寄呢個地址比我啦(雖然我都知無乜邊幾個會寫信比我 呵呵)

搵工，呢幾排，我都寄左好多信出去，好多拒絕信，都與左架囉。唉，再慢慢來啦。

之後就係，我呢個犯賤既人呢，永遠都係放假唔會讀幾多書既，就硬係要唔夠時間用啦，嘩，讀得會好快好快，簡直會係神速呀 哈哈哈 我都等緊返學，咁樣，我會有d壓力，讀得快d架 哈哈 我都知我抵打同抵死架啦~_~" 其實我都算叫做週休三日架，但我次次禮拜五都會用來訓覺，乜都唔做，怕且之後既週休三日我會搏老命來讀架啦 哈哈 (一d都唔好笑，我知丫，吹咩，我鐘意丫 哼)

個地方無聊呢，所以放假都會特別無聊既>< 好彩，尋日諗起呢排個人燥熱，煲左d降火既湯來飲je 呵呵 雖然有中葯味，我roommate唔多有興趣，但都係降火既，飲左係好既 哈哈哈

呢排真係好鬼悶呀，多謝所有打電話來關心我既人，真係幾感動架，聽到你地把聲 嘻嘻