今晚去左睇亂世情天COLD MOUNTAIN。點解會睇呢套？本身都有少少興趣，剛好MCL又可以用20分換兩張票，所以就可以看了。好彩我地早去呀...9:30PM開場，9:00PM就排隊。香港人就是這樣了，有著數的就一定多人排隊啊﹗套戲比我預期中好看，真係值得介紹俾人去睇呢﹗不過就有D慘，我喊左兩幕呢﹗戰爭就係好慘，人地唔想打咪俾人番屋企囉，點解係都要殺死那些逃兵，以及其家人呢？一路睇，個心就好唔舒服，因為好慘。雖然佢個ENDING好似都幾好，可以和平生活，但係就係冇左個男主角，而且仲要一個老土的橋段，就係同男主角過左一晚，有左個BB，然後男主角死左，最後只剩女主角同小孩子一起生活。而且，套戲裡D女既都幾慘，冇左老公，仲要有小朋友要照顧...好彩我地而家唔係咁，原來我地已經好幸福了。雖然我講左咁多慘既野，不過套戲都真係幾好睇，兩個鐘有多既戲都唔會太悶啊﹗好抵呢﹗

今日好神奇啊﹗竟然有個人打來約我食飯呢﹗唔知點解，總覺得佢有D事發生，等我去研究一下呢﹗至於自己呢...唔知呢...突然有個奇特的想法，不過，都應該唔會發生的。睇完套戲之後就覺得更加唔會。