2003-07-28 16:36:44Agnes
Agnes: 阿伯 D. I .Y.
呢一張係我屋企附近、河畔旁既凳. 一睇就知係handmade.
好多阿伯趁黃昏至入黑後既時段, 出黎傾下計、玩下雀、放下狗. 佢地仲識得搵附近民居棄置既傢俬, 再自製成坐得好穩陣既凳. 睇下: 有背有柄, 獨一無二. "Dee sigh na", 阿伯都有創意呀!
有d伯伯仲犀利. 佢地可以將一塊厚發泡膠當係木舟, 拎支木條撐下撐下, 泛舟河上.
屋苑中有嗜棋既長者, 經常召開棋林大會一試高下. 我唔止一次見到一個阿伯, 係大廈草叢後拎出一塊棋盤, 收埋係度冇人知, 亦無人留意到, 又唔會俾人偷. 神不知鬼不覺! 好抵死.
近日行過河畔, 張凳已經唔見左. 好可能被水浸壞左. 唔緊要, 阿伯又整過一張新既.
好多阿伯趁黃昏至入黑後既時段, 出黎傾下計、玩下雀、放下狗. 佢地仲識得搵附近民居棄置既傢俬, 再自製成坐得好穩陣既凳. 睇下: 有背有柄, 獨一無二. "Dee sigh na", 阿伯都有創意呀!
有d伯伯仲犀利. 佢地可以將一塊厚發泡膠當係木舟, 拎支木條撐下撐下, 泛舟河上.
屋苑中有嗜棋既長者, 經常召開棋林大會一試高下. 我唔止一次見到一個阿伯, 係大廈草叢後拎出一塊棋盤, 收埋係度冇人知, 亦無人留意到, 又唔會俾人偷. 神不知鬼不覺! 好抵死.
近日行過河畔, 張凳已經唔見左. 好可能被水浸壞左. 唔緊要, 阿伯又整過一張新既.