2004-10-07 05:08:12咬官話
南音 - 夜弔秋喜
聞得妹你話死咯，我就淚滴成珠，今日落花流水恨何如，當日相逢花解語，燈前伴我讀詩書，卿是煙花一個奇女子，你偏垂青眼愛呢個寒儒，自係醉後種成連理樹，把千金相贈畀我上京師，估話中得一個狀元歸故里，鳳冠霞佩贈與娥媚，點想一別竟成千點淚，可憐你薄命過花枝，千里尋來豈料郎不遇，一時誤會話我愛上鶯兒，可憐你為左愛情就投水死，計我話何苦輕生得咁心痴，秋喜你既香屍夠竟流左邊處，幾時魂魄會返黎，子規殘月啼不住，一聲啼哭我又一聲悲，今夜江頭我來祭你，此後我無自已，卿如有鬼就要聽我衷辭。