『原來承諾　一早　消散不可兌現
忠誠　變做　感情裡的弱點
從前童話　終於　給你親心破滅
說穿了　你只當我救生圈　就抛出海再算』

　　呢首歌我暑假成日聽，但始終唔知佢叫咩名，今日去旅行個陣，Ｄ學生話俾我聽，我終於知道，原來叫救生圈。
水泡呢個名稱，我都係台灣讀書個陣先識。其實感情入面係咪真係有人甘心做水泡呢？定係有人成日搵人做水泡呢？呢樣野真係好難講，我估實有呢Ｄ人，哈

　　尋日去旅行，個度我已經第四次去，真係，不過個度同我高中去個陣唔同左好多，家陣設施都幾完善，仲可以俾人野炊。當然啦，我係miss，我梗係食好野，唔洗炊。個一餐真係好正，次次係大陸食野都覺得Ｄ野唔係油到爆就係鹹到癲，但尋日唔會囉，味味都好正，特別buy佢個〝炸青瓜餅〞，超正！！係油炸但係唔油囉，入面加左Ｄ鮮蝦同埋杏仁，個種口感真係從來都未食過，yummy yummy~~

　　尋日都有一個意外收獲，就係發現我個班小朋友乖左，maybe去到外面，又maybe佢地真係生性左。不過，點都好，呢一年我都希望可以搞好我班初二恒，佢地變唔到fit馬唔打緊，但至少我唔要好似佢一升上黎個陣咁，成班都好似小學四年級咁。

　　又係備課時間了，高中的課永遠都係最吃力的。雖然可以學以致用，but我開始懷疑自己可唔可以教得真係好？反而初中我都唔洗點備，吹作者都可以用一堂，課文又兩三下功夫就搞掂啦。唉，2005年就黎完，我要開始想一條出路，Quit Or Stay？