就算人地话你点,
就算你以前点....

但,至少,我知你唔係.
至少,你对我好好~

你真係令我觉得好踏实.
第一次有男仔追我追到我都怀疑呢个人究竟想点~
果阵倾电话明明就无话题, 你本身就唔识沟女,但又係咁稳话题~
哈, 但我都好伟大!
明明唔好笑,但都係俾面笑下~ 其实搞笑既係觉得你好蠢.
边有人果阵会倾中国既教育方针?
就算果阵每日倾电话,每日出黎饮下嘢咁~
你都无讲过要追我~
净係飞机一直话咩你要追我, 你唔敢出声~
哈, 我仲努力咁介绍蚊li俾你~
哈哈哈...无奈~



係你隔离, 我真係觉得好有安全感~
我以前成日强调: 安全感係自己俾自己咖!
但,你真係有俾倒我安全感~
拖手果阵....揽住你果阵...
其实特别係你楂车仲有时会拖住我手果阵~
好神奇既feel~
有一种依靠既feel....
虽然,我仲係更中意独立~
但, 原来,有时有d咁既feel都好好...
你讲过~ 你唔识去做d为佐令我感动而感动既事!
我都唔希望你会做...
我就係中意你咁, 老老实实~
咁样, 我亦唔会担心, 有一日~
你用同样既方法去讨好另一个女仔!


如果我中意一个人既定义同你一样~
咁, 我捻...
我地就好难散!
你话: 咩叫中意一个人?
中意一个人就係~ 就算果个人唔係最靓,
唔係性格最好.唔係最完美~
但, 因为中意, 係你眼入面, 再亦容唔到第二个!

我捻~ 眼中只有一个人, 应该係一种幸福~
咁就唔会稳唔到焦点....
咁我永远都有一个方向~
但, 或者, 我仲未定性.
又或者~ 我係时候要学识定性d啦.


呢个几月,我地真係差唔多日日见.除非果日,有特别事.
我地好似真係未嘈过. 净係上次"检讨书事件"我嬲佐~
但, 你都尽力补飞~ 而且, 人人都话我嬲得好无聊~



其实, 我真係变佐好多~ 好多...!
我以前拍拖超级无敌被动~ 从黎唔会主动拖手, 主动锡锡,
主动约人, 关心人~
就算有捻过,都唔会做.
成日都好唔自然咁....
但, 我e+会啦... 我仲会同你一样. 有d想用a胶粘住你既feel~哈哈..

有好多好小既事, 你真係可以好细心~
你亦真係好就我...我成日都觉得你好似咩都讲"好"咁..
所以, 我会有d想扭计~ 哈哈.
例如要你半夜起身游水~ 去7仔买鱼蛋再过学校比我食~
帮我洗衫咁....
会唔会有d嗲 呢?
我之前真係一直都唔知你训觉因为惊我唔舒服,所以定住唔郁咖!
我净係觉得醒佐都係同一个pose. 但我唔知你係定住..
我仲超级舒服咁当你公仔揽住~
哎呀....不全白~ 好伟大woo你! ^_^
我知, 可能你做到既就係呢d 细心既嘢...



我真係发觉, 我地d嘢多到我写唔晒....

第一次教我楂车既人係你, 我捻~可能以后楂车我都会捻到你...
你呢个"教练" ^_^....
坐我车係咪好安心呢? 我咁呖~ 实係啦~
边似你.... benz食面包!!
咁都可以撞过去....
仲要好型好镇定咁对我笑下...焦下头,讲句: shit!
咁行落车!
果阵我真係以为你专登ga!



听日, 你就走啦....
还好, 我都要过广州. ~
如果唔係, 留係珠海, 我一定会好褂住你.....
过到广州, 我会爆pow 画画..
咁时间就会好快过.....
如果,我同自己讲: 我会等你!
咁, 我就会等到你!



林颖! 等距返黎....!