当一部戏啱上映的时候会有好多人争先恐后咁去睇，但当呢部戏差唔多落画果阵，戏院入边已经系寥寥无几了。
我都有好耐未入过戏院睇戏了，记得同你既呢一年我哋先睇过两次戏咁多，第一次系喺一月份，你果日补完电脑课，我来学校接你放学，跟住就去咗睇戏，好记得果次我同你喺睇『魔幻厨房』，谂翻去都好好笑，你喺为咗睇SAMMI先同我去睇电影，真喺激死啊，就系咁，唔记得咗问你拿翻张戏飞KEEP住喇。第二次喺两pair人一齐去睇，好记得果日喺啱打完篮球比赛，之后我哋去咗优雅阁打麻将，打完先临时话去睇戏架，果次我记得我哋喺睇『心痒痒』，果阵可能时间太仓促啦，都系无keep到戏飞```
到咗国庆，难得有假放 ，又咁啱有霆锋既新戏上，谂住今次实可以keep到属于我哋既戏飞啦，点知你同我去咗两日都睇唔成，每次都喺timing唔啱，自己有无耐性喔，或者喺天意弄人啦```唉```
到左同你临分手果个星期『龙凤斗』啱上映，听讲好好睇，我仲谂住果个星期既星期日叫你去睇添，知你中意sammi。但最後未到星期日就同你分咗手，始终都喺同部戏无缘，亦keep唔到任何既一张戏飞。算啦，过去都过去咗了，我都系讲出来呻下姐，而家讲翻出来咪又系得啖笑，笑完咪无野```要睇戏咪自己去啰，一D都唔难既```!!