大家睇到既就我個位啦, 就好似一片玉子豆腐咁大, 不過張椅係好舒服既, 有時我會坐係度訓覺添架。而個screen saver係兩隻狗仔, 好得意架, 係我老細download既, 我就諗住遲d整個貓貓screen saver換左佢啦。

星期五我請假喎, 咁就拿左一張假紙比老細簽啦。我係六月既時候請過一日假, 但係o個時我係無寫假紙既, 咁所以我今次就補返啦。我同老細講返佢就話原來佢都唔記得我之前請過一日假(佢咁忙又點會記得呢), 咁我就同佢講話:「我好誠實架」咁點知佢同我講話:「你係有心係度做就得啦, 如果唔係我留得住你個人, 留唔住你個心都無用…」真係好攪笑。

哼哼, 做埋呢兩個月都唔知仲有冇得做啦…我有得留個心係度都無人接收lu…就算遲d續約都實比人減人工啦, 到時就dun心啦, 挖埋出黎比你都得呀!

下個星期三教授會係佢屋企攪bbq party, 咁佢個秘書就叫我去喎, 我做左差唔多成半年都無去過, 咁所以今次去下都好既。同埋呢原來大學已經將我份 MPhil 既application 比左教授, 咁如果有錢既話就ok 啦喎。所以秘書叫我去同教授social下喎。

其實真係几開心架, 因為都算係几大機會會收, 但係我個人呢一日未成事一日都唔會比自己開心架。所以都係等下先啦, 希望遲d可以話好消息比我既朋友知啦^^