1月20日:
今日我好開心喇!因為我買咗好多嘢呀!但係天氣太凍喇!搞到我都好唔舒服而且今日好多人呀!搞到空氣指數都差哂呀!差唔多死咁呀!估唔到咁多人行街街呀下!係喎!今日係年29呀!所以咁多人!我同映漫俾人買豬仔呀!問路問咗好多次,但係d人都唔知識唔識嘅?我哋係咁喺同一個地方行呀!幾傻呀!搞到我哋冇咗2個鐘行街街呀!幾慘呀!唉.....我相信多d出一定識嘅,而且當俾自己一個認識去行街街囉!咁到時我哋咪可以學番人囉!而且我哋唔可以買人豬仔,要好肯定咁話俾人知呀!因為俾人買豬仔好慘呢!而且喺咁凍嘅天氣俾人玩呀!真係慘到死死下呀!
我買咗二件衫喇,一條裙,一條褲仲買咗個袋都唔知做咩我宜家咁鐘意粉紅色呀!咩都係呀!(差唔多)我以前好唔鐘意呀!但係宜家好鐘意呀!可能當你憎一樣嘢都唔鐘意一個人嘅時候你就會鐘意!我好似就係咁嘅人喇!
明天就番大陸喇!唔知會點呢?但係我覺得今年好似唔係咁開心咁嘅,可能人大咗就唔覺得d節日係咩喇!諗法唔同掛!唔知今年有幾多利是呢?希望多d喇!但係經濟唔係咁好!唉...算喇!多定少心意啫!^^嗯~我咁諗就岩喇!
映漫..........你唔好為咗人哋點諗就唔買自己鐘意嘅嘢喇!千金難買心頭好呀!岩!鐘意!就好買喇!唔好好似我咁呀!但係我都好開心你可以買到你自己鐘意嘅嘢!其實世界咁大,一定有人同你一樣鐘意一d嘢當然都會有人唔鐘意一d嘢!咁你做咩咁自私要為唔鐘意果d嘢嘅人而唔買自己鐘意嘅嘢!鐘意就要買喇!唔好為咗少少人嘅品味就唔買喇!呢樣嘢我都係同我自己講喳!大家都係呀!