1月18日:
今日番8點!好冷呀!今日好少人嚟食嘢呀!所以我好快就走人喇!而且我好累呀!我要去剪頭髮呀!剪到咁樣衰呀!但係算喇!唔剪都剪咗囉!可以點呀?咪等佢留長囉!可能see see下幾好呢?所以冇咩所謂喇!$53蚊呀!但係都算平喇!其他要$78蚊呀!剪得靚我唔理佢幾貴呀!但係.............所以我一直都好少去俾錢剪頭髮呀!今日話去旺x但係落咁大雨搞到我冇得去呀?明天要留喺屋企食團圓飯呀!搞到我都冇得去旺x喇!唔得我一定要去呀!所以20日一定要去呀!因為我仲有好多嘢未買呀!
今日m記亞詩問我有冇興趣做家庭大使?我諗住佢玩下之嗎!咁我咪話好呀!之後佢俾咗d關於家庭大使嘅資料我see呀!咁我先知佢係認真喳!但係我驚自己未必得呀!但係同小朋友玩我一定得喇!我覺得d小朋友好得意呀!而且佢哋係喺呢段時間最開心最幸福呀!好單純呀!但係俾呢個社會搞到d咁得意咁單純嘅小朋友壞哂呀!但係亞詩咁see得起我,我都要做好d唔好令佢失望,同埋為咗自己都好呀!好似話有人工加呀!但係唔理咩原因我都應該做好d呀!就快番大陸喇!唔知到時會點呢?