今日唔洗番學,一起身就又係比晞晞拍門嘈醒,唔洗訓呀??起左身就要睇住佢,佢又係我間房o攪亂,真係冇佢乎,不過佢鍚番我咩都低番嗮喇!哈哈哈!!

過左冇耐佢就走左出房,係出而玩!!點知...........大件事
佢一走入黎,成手都有d野,我再聞聞,臭屎味...嘩嘩嘩,我頂,心諗咪玩野喇!!佢成手都係屎,我出房門就見到一舊屎!!唔係咁玩我呀嘛??

咁o岩亞媽訓左,冇人可以幫佢洗patpat,咁有唯有得我幫佢洗喇!!餵佢食野睇住佢我都ok,但係同佢洗patpat都係第一次(仲要成手屎)!!開頭我都唔敢幫佢洗,我用水沖走佢手上d屎,沖到冇咩既時候先敢幫佢洗!!

我諗住用沖涼液整落佢手到等再洗,點知佢又整上頭,真係o攪o攪震冇幫親,佢仲要整到自己隻眼,真係好煩呀湊女!!!!o攪完佢個頭,又係重要幫佢洗佢個patpat,我都係唔敢用手幫佢洗,都係用毛巾幫佢洗好喇!!!洗左好耐終於洗得白白淨淨喇..哈哈,今次第一次洗,洗得我好辛苦..哈哈

幫佢洗完patpat都係幫佢著番片,佢就再入我房玩,點知玩玩下企係到都要訓,真係好得意,不過我都係唔比佢訓,如果佢依家訓左,到左中午佢起身咪有排煩,哈哈,所以都係帶佢出去出面玩喇!!!

好快就食得飯,食完飯就到亞媽接力湊佢喇,而我就可以出街玩喇!!今日我就約左豬頭去游水,我地去左元朗到游,游水都冇咩特別,因為冇靚女!!哈哈,只係游呀游,游到另一個池!!我地游左一個冇咁深既池,就去深池游喇!!

可能耐冇游,游左幾個池,已經feel到隻手好鬼累,所以係深池游左3-4個池就走人lu,沖埋涼就去搵fungyee食野再去幫佢手教波喇,點知冇喇喇亞婷打比我,本來就諗住一齊去食野,但係佢有野做,所以都係下次喇!!

我地食完野就一齊去基元喇,一開始同亞樑佢地搓波,好好玩,打到身水身汗,冇耐就幫佢地練喇,練完野就開場鬥波,今次加埋亞樑仲有豬頭,打得好開心好o攪鬼,而佢地班o靚仔就仲攪野!!

佢地贏左波就very good,輸就very bad,哈哈哈哈,雖然好低能,但係同佢地打波真係好鬼攪笑,佢地打左2場就要做體能喇,而我地就自己2打2,唔係,應該係3打2先岩,因為打打下亞善都加入亞樑個對!!!

亞樑個對就係牙籤同亞善,而我就得豬頭,哈哈,都打得好好玩,最後仲比我同豬頭2個人打贏佢地..哈哈哈,打完波我地就去體育館沖個涼先,涼完就去食上海野,食完野仲去打左幾鋪機,打左冇耐咁我就歸家先喇!!

ps:你睇佢個樣幾唔順超!!!哈哈哈哈

26/5/2005