話說我爺爺既契弟落左黎香港自由行,又咁o岩我大姑媽佢老公又落左黎香港,o者係我姑長,所以話o掂都係,所以姑姐叫我帶佢地去Ocean Park玩一玩喇,又順便帶埋我阿伯齊齊去,所以我今次擔大旗,一個人帶三個"自由行"

其實我都唔係好想去,因為去既前一日我以最壞既評估,加加埋都有幾樣哀野一定會出現,不過都係要去到先知,當時就唔希望有o呢d野發生喇,哈哈哈,仲有最重要一個原因就係姑姐叫到,都冇得唔帶佢地去..

計計下又唔洗出錢,只係出小小眼力睇住佢地,同埋有得玩喎,去多一次都無況o者..

今日一早就比佢地嘈醒,可能佢地太開心既原故,一起身準備好等我,我就起身沖埋涼換埋衫先再一齊出去喇,今次去Ocean Park,全日三餐都要我去準備,所以我地出左元朗,首先我就去百佳買d糧食先,準備去個到食..買好哂野就去搭車向海洋公園出發喇!!

上左車我要開始做既今日既功作喇,佢地一上車仲要坐最前,心諗:唔係呀嘛???哈哈,坐左車就要幫佢地帶安全帶,雖然可以唔帶,但係做足安全都冇況o者...全程車around都要成個鐘,坐左半程車,係我意料之內既野終於都發生喇,就係半途之間,我既姑長終於忍唔住"暈車浪"嘔左!!好彩我早有準備,有個膠袋...

化解左第一個問題之後,繼續搭車,好快就到左金鐘轉車站,落左車就去買入車場飛,夾夾埋埋800有找,之後就再搭車去海洋公園喇!!

o呢程車好彩都冇咩特別,好快就到達左海洋公園喇,一去到海洋公園又有另一件我意料之內既事,就係落雨喇,一落車成個人除左濕身之外,就係灰~~
alought只係微雨,但係已經好o來hea,入左場之後佢地就去toilet,佢地完事後就開始今日既"悶游Ocean Park"

點解要"悶游Ocean Park"??因為佢地三個加埋都床200歲,所以玩既野一定有限制,only只可以睇野,所以我又要陪佢地一齊悶,所以話,同咩人去,有唔同既玩法囉!!哈哈

一開始我就帶左佢地去睇大佛,而我今日就要做佢地既專業cameraman,有靚景就要影喇,o差在冇靚人o者..哈哈哈,影左幾張相之後就再去另一個地方睇野喇,基本上我已經知道有咩岩佢地玩,有咩唔岩佢地玩,仲之睇既野就岩佢地,所以我就帶佢地去鯊魚館喇..

鯊魚館之後就再去睇海洋館,同樣佢地亦睇得好開心,好出奇,睇哂兩個海館之後時間都已經中午,所以佢地就搵左一個地方坐底食lunch喇,而我就用o呢一個時間自己搵野玩喇,哈哈,冇意中睇到有人像晝晝,咁我貪得意走埋去晝一幅喇,幅晝得我自己一個咁低能加白痴,所以亞叔就加個女人比我喇!!哈哈哈哈

晝左10幾分鐘,終於都成功喇!!而幅晝美化左我,而個女人就.....哈哈哈
晝完晝我就番去搵番佢地喇,搵番佢地之後就再帶佢地去玩一d好玩小小既野喇,就係去坐魔天輛,坐完之後基本上o呢邊山可以玩既野都已經玩完,所以我就決定坐纜電過對面山玩左先喇!!!

好快就過左另一坐山,而o呢一坐山都比較多野岩佢地玩,最激就係去玩動感影院,不過姑長玩o呢個都係訓,冇論冇時冇刻佢都係要拾,真係o攪野!!一開始玩,我都ok擔心佢地,因為驚佢地都玩唔過!!好快玩完,見到佢都開開心心咁出黎都放心哂!!

玩完o呢個就帶佢地去睇安安同佳佳喇,我都係第一次睇,今次一睇都算幾好彩,因為除左睇到佢地"訓"同"食"之外,仲見到佢地去方便,哈哈,都ok攪野,因為屙完又訓過,哈哈,睇完安安佳佳就去睇另一個"恐龍乜跡"亦係我第一次去睇,又覺得ok攪野喎!有d假到唔假既恐龍,哈哈!!

o呢個都幾多野睇嫁wor,所以就連我都睇到好開心,睇完o呢個,睇完個個,有得睇既野都睇哂,o差在仲有一個海洋劇場未睇,所以我地就再搭纜電再過番另一坐山喇,去到個坐山已經爆滿,所以只有企係到睇喇!!過左冇耐就有得睇喇,但係做左冇耐就做完,真哂氣。

睇完最後o呢一個表演就真係玩完喇,玩完就再搭纜車係個邊出口走人喇,搭黎搭去真係有d on居,哈哈,買完車飛就番落元朗喇,今次我o呢個導遊都算做得唔錯喇,哈哈,見佢地都算滿意同開心,咁都冇白費我心機!!哈哈哈哈

ps:我既攝影技術都ok好嫁!!!哈哈,如果想睇相就去o呢個網喇!!
(http://hk.pg.photos.yahoo.com/ph/loming06/my_photos)

24/5/2005