尋日同梁仔佢地玩左成晚,o攪到要成點幾先有得訓,仲要自己一個訓地下,因為都唔可以唔訓喇,因為另一日就要打沙田盃喇,所以都係"早抖",而肥鄜佢地就鋤D,一鋤就鋤到6點,我都係同賭博界無緣,次次輸,次次比錢。

而我一訓就訓到朝早,一起身就去沖涼,執野,換衫準備出門喇!!而梁仔佢地都起哂身,所以就齊齊搭的士出去喇!!佢地車到我地落元朗,佢地就番歸,而我地就去M記搵simon佢地,買左一個早餐,一路食就一路等亞樑...

食好早餐,等齊人就再齊齊搭巴士落沙田喇..
搭車都冇咩特別,only坐,一坐就坐左40min,終於到左沙田,落左車就行去體能準備準備下喇..

去到體育館就換衫準備喇,過左冇耐就到我地熱身喇,今場都未算最難打,因為基本上對面都係得一支係打得,其他都係放波為主,而我地就發揮到自己,雖然第一局打dunce,最終都係比我先取第一局,第二局大勢已去,比我地輕易攞埋第二局。

下一場就係到3點再打,所以就出去補充一下體力先喇,去左食茶餐,都ok難食,我同亞樑夾,一半都食唔哂,不過都算ok飽,食完野就即番體育館喇,因為食完野又再到我地打喇!!去體育館準備一下喇..

我地前一場有一個耐力戰,一班"亞媽級"對一班"青春隊",我諗"亞媽級"個隊夾夾埋埋都有成千歲,哈哈哈,唯其2號勇仲幾球,怒打幾球好波,所以話薑係愈老愈辣,最終仲贏埋,利害利害...睇完佢地打波就到我地打喇,今次對一乸型姐仔隊,隊名叫"希望"差唔多成隊都係姐仔,所以打落都特別驚,哈哈哈,開波喇,熱身3分鐘,點知杜杜一打打到亞熙波撞波串魚旦,心諗,死火喇,咁難先打入4強,唔通又o來野??咁就唯有黃平代set先喇...

亞熙唔係到,我地成隊都好有火,一開始打都咬住唔放,雖然黃平乎入到局,可能佢地太緊張,所以set得未定,打到中段,亞熙就出番黎,又再追過,大家一分一分lead住打,對面都打得守得,所以今場都ok難打,最後第一局輸左25:21...

到第二局我地再起Q,今場如果冇左其一個,我諗都會輸,所以每一個人都好重要,而我同亞樑係後排可以話守得哂,亞樑救起2球叉燒,而我亡亦連救起2球好波,前場救起一球,再做封網時彈一球後場,勇救起左,贏得全場掌聲...哈哈哈哈哈

今場比我同亞樑守起哂d波,所以反勝佢地第二局25:18,到第3局就重新一局,而我地士氣都好好,所以一開始就攞左幾分,但係又再追平,最後比我地先取8分轉場,轉場之後再一分一分lead住打,最後"反敗為勝"15:13

打完第2場之後就到我地下一場冠軍賽喇,今場既對手我地係一個區賽已經對過,上次就係輸比佢地,因為上次對面大鎚可以超手打亞熙,而今場對面大鎚就冇到場,所以比較會易守,幾經努力之下,比我地先取下第一局25:20

到第二局,經過頭先個場比賽,雙方已經體力下降,因為打既已經係打腦,打耐力,不過最後都係差小小,輸左第二局25:21,第三局再重新一局,點知我一出,對面大鎚番左黎,咁就緊別緊張!!佢一落場就追直線打,一球打out,一球比我守起,轉場之後愈打愈緊張,我地14:11,最後一球對面大鎚打"out"個一刻成隊攬埋一齊大叫,因為實在太開心喇!!

足足打波打左6年,等左6年,終於打到我地第一個冠軍,雖然only係一個區賽既冠軍,但係意義挺大的,所以頒獎既時候特別開心。打完比賽就去慶功,去酒樓打邊爐,今晚食得特別高興,特別開心,食完野就真真正正番歸抖抖喇。

22/5/2005