尋日打完沙田盃就搭番屯門去craol既新屋,因為o個日咁o岩就係simon既生日,所以今次simon既生日就係craol既新屋o攪喇!!

打完比賽落左屯門就衝上去craol新屋,一行17人衝上去,上到去幾乎成間屋冇容身之處,我地一上去就開臺打雀,而我就當然跟機打喇!!哈哈,開頭佢地就玩一隻baby game,都ok攪野,打左一陣已經6點,所以craol佢地又要落去練波,我地好少理,有波都唔打,沈迷打機,所以話,發明遊戲機條友,真係年青人既"再生父母"哈哈

我地有我地打機,fungyee佢有佢訓覺,打左一陣機我就同亞樑落去新墟買Birthday Cake,落到去only得一磅既cake,所以最終決定一次過買2個..買完cake就再搭車番去友愛惠康,買齊哂野就再上番去準備整野。

上去到照舊都係跟機打,一向好整野食十分勁既亞樑,我地就將所有野比佢一手包辦,咁我地就好放心打機,有得打機,又唔洗擔心冇啖食,哈哈..
如果冇機打,冇雀打,仲有一樣野仲可以睇,就係"床上真人show",上次聽craol講,成日都有得公映,所以fungyee一早就留意緊..而我地就十分期待呀?咁大個仔真係未睇過呀,哈哈哈

起初就冇咩好睇,只係去"報"佢地,後尾見見下仲比我地發現到對面既樓都好興唔著衫褲,only打一條underwear,有本事咩都唔好著呀笨,不過main point個條友唔係女,咁好睇極都有限。

冇耐駱哥好似話有野睇,之後成班又再衝多一次去睇,駱哥就真係心急喇,佢衝去睇之際,咁就pk,仲撞到瘀埋,哈哈,都話年青人唔好咁喉琴嫁喇,哈哈哈,點知都係冇野睇,最後都係冇野睇。(唔記得講,床上真人show 2個好似好似都係男)

時間過得特別快,又係時候開始simon既party喇,哈哈,人頭數夾埋共20個頭,齊人就開始喇,今次都ok好多野食,又係好好味既野食,如果再係咁暴食,我諗遲早真係變肥仔嫁喇!!哈哈

一路食野就一路講笑,都食得幾開心,食野冇耐佢地又再開始打機,係到踢足球,我地成班就估波,2對都各有fans,入波就全屋起哄,非法聚賭咪就係o呢d囉,哈哈!!!佢地有佢地打機,我地有我地食野,食到尾聲就再吹水喇。

fungyee就拉左我入去間房同四嫂威哥,仲有亞細吹水,原來係到講"鬼故事"雖然我都ok驚,但係又好想聽,o呢d咪又叫做犯賤囉,哈哈,不過講鬼故又變左講笑!!我地講講下威哥就見到對面樓又有個肥佬only著underwear,學亞樑咁話:如果咁著又真係幾free喎,.哈哈。

所以話對面樓特別好o呢d野,個頭唔著衫,o呢頭又開始有床上男人真"性"情表演睇,對面肥佬樓上又有野睇,點知今次比佢地反過黎睇番我地喎,仲要反指我地喎,哈哈,最後都係散場,咁我地就唯有再打機喇,哈哈

冇耐走下一個走下一個,最後個d就係唔走喇,目的就係打通頂機,我地就係玩一隻bomberman game,o呢隻game可能話打到100歲都唔會悶既game,所以我地一打...就打到5點幾.我就訓左係sofa,其他人都係訓左低下,感覺上都幾似難民營。哈哈

到左一早就比亞善嘈起身,睇左一陣波,又再打機,打機..打打下機都打到2點幾,所以我就自己一個走先喇,而佢地就繼續打機,我就回歸。

17/5/2005