今日朝早,無野好講.

晏就,5點幾返到學校,坐車去戈到,幾個字,去到,係戈到行黎行去,悶,
坐低,係到睇人跑,我地就係到玩掉紙巾,比人整到周圍都係,跟住我就食野(佢話唔比帶野食,我偷偷地地帶ge^^),d人又係到叫我比佢wor~,我又同佢地唔熟,我就冇比佢地啦,跟住我又係到睇漫畫啦(又係偷偷地帶ge),佢地又話要睇wor,真係好煩,嗌完一餐,佢地就用把傘整埋黎,整左好多次,我一把火搶左佢把傘啦,
佢叫我比返佢,唔係就話比先生聽,我就話係你自己整埋黎先ge,但係我未講完,我隔離戈個就比返把傘佢lu,,
係臨走之前,有三個男仔佢地唔知去左邊,搞到我地要最後先走得,點知佢地去左買野食,跟住個先生就叫佢地做五次書法,但係仲係等左幾分鐘,個先生就話如果佢地一分鐘之後仲未返,佢地就要做十次,跟住我好衰咁同佢地計時,鬼叫佢拎把傘整我咩,兩分之後佢地先返,好yeah,十次,,
我地去坐巴士返去,整班男仔唔見左,打返比佢地,原來佢地蕩失左路,隔左一排先見到佢地,我同我隔離戈個講,d男仔永遠都係咁白痴,咁都可以唔見左ge,之後坐左半個鐘,就返到學校lu~~~