很有趣的文章！！

文宇軒將來0的仔女叫咩名好呢﹖
不如叫「文字」，英文名叫 “Word Man”，皆因佢細個時都俾人叫錯做「文字軒」(Word Hin)，哈哈，正所謂「有其父必有其子」。

「文明」(civilization?)、「文化」(culture?)、「文學」(literature / Study Man?)等也不錯，可惜略嫌普通。

「文巨」蠻不錯，英文叫 “Giant Man”，但讀音似「文具」﹔那麼「文法」吧，喻意個仔D grammar 好掂，英文叫 “Law Man”吧……唔得﹗“Law Man” “Law Man”「羅命、羅命」唔吉利﹔咁叫「文憑」(Diploma?)，有足夠學識先拎到，但「文憑」又似「文貧」，咁咪變成 “PoorMan” !!!!!! 叫「文一多」沒事吧，似足「聞一多」，好﹗有才華……唔得﹗佢作《死水》，死死聲，大吉利是咩﹗

弊﹗一唔小心就會同文生D仔女改到咁唔吉利 ~~~ 即係無得叫「文盲」啦﹖(Illiterate?)，唔通叫 “Blind Man” 咩。喂，女仔叫「文雅」吧，有Graceful、Elegant的意思，但「雅」又同「啞」，咁咪變 “Dumb Man”﹖

Um……不如男仔叫「文新」“News Man”，同新聞有關係，即係文宇軒先生讀緊個科……唔得﹗黑社會咩﹗「文新」「紋身」(Tattoo?/ BodyMan?)﹔ 咁叫「文來」，英文名叫 “Come Man”，幾有氣勢……唔得﹗做雞做鴨咩﹗「文來」「汶萊」(Brunei)﹔女仔叫「文薇」，好嗎﹖但「文薇」又似「紋眉」……

好煩呀﹗叫咩名呢﹖改中文名咁煩，不如從英文名方面入手先，Um…….叫 “Fire Man”、 “Police Man”、 “Post Man” 吧，雖然有D娘，但勝在夠大眾化，要平凡中顯得不平凡~~~ 但譯番中文好似怪怪地﹕「文顆」(文火)、「文柔釵」(文郵差)、「文景」(文警)，不過總好過叫「文超級」(Super Man) ^O^

“Are you crazy, man?”諗多無謂，都未生……咦﹖又可以叫 “Crazy Man”，雖然中文名衰D，「文傻」、「文顛」、「文喪」，咦﹖「喪」，咪同 “Jean” 同音﹖好﹗有決定啦，將來文生個仔，英文名一定要叫阿Jean，一來文生鍾意 “J”字，二來個名又夠型，落Pub落D實受女仔歡迎啦，到時真係似足Daddy 咁，有其父必有其子 ~~~ 哈哈，記住個仔要同埋Damon上契，因為 “Are you crazy man, heuh? ”

嘻﹗原來姓文咁好，有咁多名可以改。

written by …… 一個可愛的小女孩