呢個新聞台大家都好耐冇po文喇~~

so今日想係度同大家分享下最近既我~

我終於同屋企人講左我想再去美國既事,

當然核心原因為邊個係冇講,

而由於呢件事, 我同屋企人嘈左n次, 我亦都喊左n次,

本來忐忑不安的心, 猶豫不決的心,

由於一場抗爭而變得堅定起來~

係意氣用事, 還是我真係咁想番去, 已經搞唔清楚~

我有用一個好巧妙既方法黎問自己,

有時肯定既答案我地俾唔到既時候, 可以用否定既形式去思考,

以我為例子,

1. 今年再去美國見佢好唔好呀? 唔知呀, 好猶豫, 好多阻礙

2. 今年不再去美國見佢好唔好呀? 唔好, 我未放低

其實結果好明顯~~推薦姐妹們可try try看if你地遇到選擇題時~

我想去美國, 唔代表我想傷害我既屋企人,

我地之間有條gap, 諗法唔一樣~

我最嬲既係我哥, 一個平日對自己漠不關心又嫌三嫌四既阿哥,

當我提出想去邊去邊既時候先黎擺款既人,

坦白講, 依家既我好憎佢~

令我感慨既係我櫃筒有幾張以前我地細個攬埋一齊搭膊頭好開心既相相,

細個時候一家人, 大個左不單止要趕我出去, 仲叫我去自殺, 屋企少個成員都好~

我真係好心淡, 都好想逃家~ 

番工唔可以話好唔開心, 因為最近都唔算好忙,

但番屋企我逢提必鬧, 真係好煩~

最近負能量好多啊~~

愛情讓人不能理智呢~