大人真係勁難頂lor!!

尋晚已經特登加班砌好兩封信俾佢,

今朝又話唔ok, 又要改又要重寫,

食屎架~~

我勁想爆粗鬧佢 lor~~but我忍住!

既然你已經有晒諗法,

有晒內容,

咁有思想同內涵,

做乜唔自己寫埋佢姐,

我寫完你咪又係改改改改改改改改改改,(我真係好用力地敲打著鍵盤)

咁點解你唔自己改完唔係仲有效率d咩~

諗唔明都摸唔透,

我呢世都冇可能寫到你心目中要既野,

鬧完大人要鬧個兩封信,

第一封係外地僱員續期申請信,

坦白講, 我對呢方面既接觸少之又少,

連要交d乜文件都唔知,

連間公司係點樣架構都未了, 本地外地分唔清之餘,

都唔知應該點寫, 同埋個d咁既官方客套話真係令人orz!

第二封係感謝勞工局,

呢封仲誇張, 我想話我係成個部門唯一一個冇參加呢場講座既人,

but我仲要執筆去寫呢封信, 真係天馬行空到極致,

原本諗住作幾句一小段就ok,

but大人話要由目的出發, 又要讚人地仲要讚埋公司,

我自問入世未深, 既然你都出口成文,

點解你唔順便打埋佢呢~~(我唔介意你邊講我邊打, 中打速度50字以上/分)

要令睇既人覺得舒服開心, 我諗我做唔到,

因為執筆既我真係好嬲好重怨念!

我冇辦法衷心去感謝增加我work load打電話去又唔覆同成日打唔入線既dsal~~

我真的很哀怨~如果大人睇唔過我呢d高分低能要裁我既話,

我更加感激你!

你讓我看得十分極致的很清楚, 我唔適合做呢行!

完了!多謝各位睇完呢篇怨念文~~