最近比較得閒,做左好多以前做唔到既野．好似想推翻以前的生活模式咁．諗起一個月前既今日，我仲０係到捱笑，捱c/i c/o,好似已經好耐咁．心理真係仲未平衡．

Anyways，最近睇左幾齣好戲，一定要推介一下：

１．Hula Girls, 日本勵志片，好似〔五個撲水的少年〕同〔喇叭書院〕咁，但今次係草裙舞．蒼井優超可愛～～～～～

２．〔誰知赤子心〕，日本戲（對唔住！），日文係誰も知らない，出左好耐，但依家先睇，原因除左無時間之外，要本人去電影院或花數十元去睇一齣戲係好難的，所以我要等到vcd或dvd減到一定水平時，我先會睇．．．．．．但係，呢齣戲好寫實，好可憐，好無奈．男主角其實係演番自己，但係好倔強，可能因此得獎掛！

３．〔家族〕，日劇（非常之對唔住！！），因為太鍾意竹野內豊先睇．其實同其它日劇差不多，但我開始見到我偶像成熟了，老了，我也．．．．．．有點感慨　～～～～

至於看書，剛讀罷日本皇后美智子和雅子妃既八卦野，要睇番０的正經既．好耐之前已經想睇The Pursuit of Happyness英文小說原版，因為好多人話電影還不比小說精彩．仲有要睇下０的點樣同人negotiate既書，唉！我最唔掂正是同人交涉．．．．．．