呢幾日既天氣轉熱,最煩既事情又出現啦~!
松松又有虱啦~!!好煩呀!
佢d毛又長又厚,有虱係一件好煩既事~
佢癢就會不斷咁"R"自己,又因為熱,要換毛既關係,
佢一路"R",D毛就一路甩,攪到成屋都係毛,真係勁煩呀~
所以呢兩日我一得閒我就幫佢梳毛,梳走佢D要甩既毛,
而且我一見到佢"R"癢既時候,我就即刻飛撲埋去同佢捉虱,
等佢唔會再"R"同埋減少佢D虱.
唉~聽日就可以同佢滴滅虱既藥水,到時就無虱啦!

不過我絶對唔係嫌棄松松有虱,
我激氣既就係,松松好少出街,好少機會會惹到D虱返黎,
而惹虱返黎個隻係旺旺,係佢將D虱帶返黎畀松松架,
真係激死我呀~
松松好可憐呀~佢既情況就好似有一個拈花惹草既老公,
出去玩惹左D病返黎,再轉左畀自己.
所以我呢兩日杜絕左佢地既來往,等大家都無虱既時候先再見~
唉~松松而家又係度"R"緊啦~!